19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Արեգ Կյուրեղյանը հեռացվեց նիստերի դահլիճից. «Սասնա ծռերի» գործով նիստը հետաձգվեց
Հասարակություն
24.10.2018 | 11:39
Արեգ Կյուրեղյանը հեռացվեց նիստերի դահլիճից. Սասնա ծռերի գործով նիստը հետաձգվեց Երևանի ընդհանուր իրավասության դատարանի Շենգավիթի նստավայրում «Սասնա ծռեր» խմբի գործով դատական նիստը մեկնարկեց փոքր-ինչ լարված: Ամբաստանյալներն ուշացել էին նիստից, ինչի համար դատավորը զգուշացրեց նրանց՝ ասելով, որ դա կարող է դիտարկվել որպես դատավարությունից խուսափելու փորձ և ունենալ համապատասխան հետևանքներ:
Խմբի անդամներից Արեգ Կյուրեղյանը դատավորին հորդորեց չսպառնալ իրենց, դատավորն էլ պատասխանեց, որ չի սպառնում, այլ զգուշացնում է և անհարգալից վերաբերմունքի համար սանկցիա կիրառեց Կյուրեղյանի նկատմամբ՝ զգուշացման տեսքով:
Կյուրեղյանը շարունակում էր նստած տեղից դատավորին ինչ-որ բաներ ասել, որի պատճառով դատավորի որոշմամբ նա հեռացվեց դահլիճից:
Այսօր նաև քննարկվեց հարցը, թե արդյոք խմբի անդամներից Արայիկ Խանդոյանի գործը կասեցվելո՞ւ է, թե՝ ոչ: Պաշտպաններից Արա Ղարագյոզյանը ներկա չէր և ինչպես Վարուժան Ավետիսյանն ասաց՝ դեռ փաստաթղթերն ամբողջությամբ պատրաստ չեն և ժամանակ է անհրաժեշտ դրանք ներկայացնելու համար:
Դատարանի որոշմամբ նիստը հետաձգվեց մինչ հաջորդ չորեքշաբթի:
