24.02.2026 | 16:16
ԱԴԾ-ն հետաքննում է Պավել Դուրովի գործողությունները՝ ահաբեկչական գործունեությանը նպաստելու գործով
ԵԱՀԿ ՄԽ համանախագահները հաջորդ շաբաթ Հայաստան կայցելեն. ԱԳՆ խոսնակ
Քաղաքականություն
24.10.2018 | 11:34
ԵԱՀԿ Մինսկի խմբի համանախագահները հաջորդ շաբաթ Հայաստան կայցելեն: Այս մասին այսօր՝ հոկտեմբերի 24-ին, տեղի ունեցած ճեպազրույցում տեղեկացրեց ՀՀ ԱԳՆ մամուլի խոսնակ Աննա Նաղդալյանը՝ նշելով, որ այցի մասին այլ մանրամասներ կհայտնեն ավելի ուշ:
Եռանախագահների այցի նպատակն այս տարեվերջին Հայաստանի և Ադրբեջանի ԱԳ նախարարների մակարդակով հանդիպման նախապատրաստումն է: Այցի շրջանակում ՄԽ համանախագահները կլինեն նաև Բաքվում: Աննա Նաղդալյանը նաև հիշեցրեց, որ ղարաբաղյան հիմնախնդրի կարգավորմանն անդրադարձ է եղել նաև հոկտեմբերի 11-12-ին Երևանում անցկացված Ֆրանկոֆոնիայի միջազգային կազմակերպության գագաթնաժողովի ընթացքում:
«Ֆրանկոֆոնիայի միջազգային կազմակերպության գագաթնաժողովի ընթացքում ընդունվել է ճգնաժամային իրավիճակների հանգուցալուծման և խաղաղության ամրապնդման վերաբերյալ եզրափակիչ բանաձևը, որտեղ ևս մեկ անգամ ամրագրվել է ՖՄԿ անդամ պետությունների աջակցությունը ղարաբաղյան խնդրի խաղաղ կարգավորման ուղղությամբ ԵԱՀԿ ՄԽ-ի կողմից ջանքերին: Սա 2012 թվականից ի վեր արդեն չորրորդ բանաձևն է»,- նշեց ԱԳՆ խոսնակը:
