03.10.2026 | 22:08
Հայաստանի հավաքականը ժամանել է Պոդգորիցա
Հայաստանը ներկայացնող Ակոպովա-Ռախմանին զույգը կմասնակցի օլիմպիական խաղերին
20.09.2025 | 15:44
Հայաստանը ներկայացնող Կարինա Ակոպովա–Նիկիտա Ռախմանին զույգը կմասնակցի 2026 թվականին Միլանում կայանալիք օլիմպիական խաղերին։
Ընտրական փուլի կարճ և ազատ ծրագրերի արդյունքում Կարինա Ակոպովա–Նիկիտա Ռախմանին զույգը 186,84 միավոր է վաստակել և զբաղեցրել երկրորդ հորիզոնականը։
Առաջին տեղում Չինաստանը ներկայացնող Ծյասյուան Չժան–Իհան Հուան զույգն է (191,52), երրորդ տեղում ՝ Ճապոնիան ներկայացնող Յունա Նագաոկան և Սումիտադա Մորիգուչին (178,66):
«Կարծում եմ՝ Արի Գևորգյանի լեգենդար երաժշտությունը միշտ հաղթանակի և հաջողության տոն է սահմանում մրցումներում։ Դա հաղթական երաժշտություն է։ Սա երկար սպասված իրադարձություն է հայկական գեղասահքի համար, քանի որ սա այն զույգ է, որն իսկապես հայկական է։ Կարինա Ակոպովան իսկական հայուհի է։ Սա ոչ միայն մարզական հաղթանակ է, այլ պատմական պահ երկրի համար»,- «Չեմպիոնատ»–ի հետ զրույցում ասել է Հայաստանի գեղասահքի ֆեդերացիայի փոխնախագահ Արի Զաքարյանը:
Հիշեցնենք` Ակոպովան և Ռախմանինը այս տարվա գարնանը փոխել էին մարզական քաղաքացիությունը՝ Ռուսաստանից անցնելով Հայաստան։
