05.12.2025 | 14:55
Մայր Աթոռը դատապարտում է Արշակ արքեպիսկոպոս Խաչատրյանի կալանավորումը
Զախարովան հայտնել է, որ ՌԴ ԱԴԾ նավը սեպտեմբերի 23-ին կմտնի Բաքվի նավահանգիստ
Քաղաքականություն
18.09.2025 | 19:43
Ռուսական սահմանապահ պարեկային նավը սեպտեմբերի 23-25-ը Բաքվի նավահանգստում կլինի։ Ծրագիրը ներառում է Ռուսաստանի և Ադրբեջանի սահմանապահ ծառայությունների միջև շփումներ։ Այս մասին ամենշաբաթյա ճեպազրույցի ժամանակ հայտարարել է Ռուսաստանի ԱԳ նախարարության խոսնակ Մարիա Զախարովան։
«Ռուսական ԱԴԾ սահմանապահ պարեկային «Ռասուլ Գամզատով» նավը սեպտեմբերի 23-25-ը կայցելի Բաքվի նավահանգիստ։ Այցը հաստատված երկկողմ համագործակցության ծրագրերի մասն է։ Այցի ծրագիրը ներառում է Ռուսաստանի և Ադրբեջանի սահմանապահ ծառայությունների միջև շփումներ՝ երկկողմ համագործակցությունը քննարկելու համար, հիմնականում Կասպից ծովում»,- ասել է Զախարովան։
Նրա խոսքով՝ ռուս սահմանապահների այցը Բաքու «վկայում է անվտանգության ոլորտում համագործակցությունը շարունակելու և Կասպյան տարածաշրջանում գործնական համագործակցությունն ամրապնդելու փոխադարձ հանձնառության մասին»։
Թարգմանությունը՝ Էմմա Չոբանյանի
