05.12.2025 | 22:18
Netflix-ը հայտնել է 82,7 միլիարդ դոլարով Warner Bros․-ը գնելու մասին
Աջափնյակ և Դավթաշեն վարչական շրջանների դատախազ Գևորգ Գևորգյանը սեփական դիմումի համաձայն ազատվել է պաշտոնից
Հասարակություն
18.09.2025 | 11:33
Աջափնյակ և Դավթաշեն վարչական շրջանների դատախազ Գևորգ Գևորգյանը սեփական դիմումի համաձայն ազատվել է պաշտոնից։ Այս մասին հայտնում են իրավապահ համակարգում Factor TV-ի աղբյուրները։ Գլխավոր դատախազ Աննա Վարապետյանը որոշել է Գևորգյանին փոխադրել Բնակչության առողջության դեմ ուղղված հանցագործությունների գործերով վարչության պետի տեղակալի պաշտոնին, որից հետո նա ազատման դիմում է գրել։
Նշենք, որ Գևորգյանը Դատախազությունում պաշտոնավարման երկարամյա փորձ ունեցող դատախազներից է։ Նա մինչև Աջափյակ և Դավթաշեն վարչական շրջանների դատախազ նշանակվելը եղել է Արաբկիր, իսկ մինչ այդ՝ Շենգավիթ վարչական շրջանի դատախազը։
Գևորգյանի փոխարեն Աջափնյակ և Դավթաշեն վարչական շրջանների դատախազի պաշտոնում այժմ նշանակվել է Էրեբունի և Նուբարաշեն վարչական շրջանների դատախազ Գուրգեն Մադոյանը։ Իսկ նրա փոխարեն՝ այս վարչական շրջանում պաշտոնակատար է նշանակվել Էդուարդ Հովհաննիսյանը, որը 4 տարի առաջ է դատախազ նշանակվել։
Արաքս Մամուլյան
