19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Թուրքիայի ԱԳՆ աշխատակիցներ են կալանավորվել
Քաղաքականություն
16.09.2025 | 18:38
Թուրքիայի ԱԳՆ-ում հանգուցյալ կրոնական քարոզիչ Ֆեթուլլահ Գյուլենի կազմակերպության՝ FETO շարժման հետ կապված հետաքննության շրջանակում 15 կասկածյալ է կալանավորվել, որոնցից 8-ն ակտիվ ծառայության մեջ են։
Անկարայի գլխավոր դատախազության հայտարարության համաձայն՝ ահաբեկչական հանցագործությունների հետաքննության բյուրոն հետաքննություն է սկսել ԱԳՆ աշխատակիցների՝ FETO-ի գաղտնի անդամ կասկածյալների նկատմամբ, որոնք նույնականացվել են որպես կազմակերպության ByLock գաղտնի կապի գործիք օգտագործողներ, ունեն վճարովի/ֆիքսված հեռախոսներից անընդմեջ զանգերի գրանցում և վկաների ցուցմունքներ, որոնք ցույց են տալիս, որ իրենք կազմակերպության անդամներ են, հայտնում է TRT Haber-ը։
Այս համատեքստում կալանքի որոշումներ են կայացվել 6 անձի նկատմամբ, որոնք աշխատանքից ազատվել են ԱԳՆ-ում աշխատելիս ահաբեկչական կազմակերպության հետ կապերի պատճառով, 8 անձի նկատմամբ, որոնք դեռևս աշխատում են հաստատությունում, և 1 անձի նկատմամբ, որն աշխատում է այլ հաստատություններում։
Հաղորդվում է, որ ահաբեկչության դեմ պայքարի վարչության խմբերի կողմից չորս նահանգներում շարունակվում են կասկածյալներին ձերբակալելու գործողությունները։
Հիշեցնենք, որ 2024 թվականի հոկտեմբերի 21-ին ԱՄՆ Փենսիլվանիայում մահացել է թուրք հայտնի կրոնական քարոզիչ Ֆեթուլլահ Գյուլենը։
Թարգմանությունը՝ Էմմա Չոբանյանի
