24.04.2026 | 21:12
Ռուսաստանը և Ուկրաինան գերիների են փոխանակել՝ 193-ը 193-ի դիմաց
Նիկոլ Փաշինյանն առաջադրվեց վարչապետի թեկնածու
Քաղաքականություն
23.10.2018 | 14:02
ԱԺ «Ելք» խմբակցությունն ամբողջ կազմով քիչ առաջ Նիկոլ Փաշինյանին առաջադրեց վարչապետի թեկնածու։ Այս մասին Factor.am-ին ասաց ԱԺ «Ելք» խմբակցության պատգամավոր Ալեն Սիմոնյանը:
Վաղն իրավունքի ուժով Ազգային ժողովի հատուկ նիստ կգումարվի, որի ընթացքում վարչապետի թեկնածու Նիկոլ Փաշինյանը կներկայանա խորհրդարանականներին։
Նշենք, որ համաձայն ՀՀ սահմանադրության, վարչապետի հրաժարական ներկայացնելու կամ վարչապետի պաշտոնը թափուր մնալու այլ դեպքերում Կառավարության հրաժարականն ընդունվելուց հետո` յոթնօրյա ժամկետում, Ազգային ժողովի խմբակցություններն իրավունք ունեն առաջադրելու վարչապետի թեկնածուներ: Ազգային ժողովը վարչապետին ընտրում է պատգամավորների ընդհանուր թվի ձայների մեծամասնությամբ:
ՀՀ վարչապետ Նիկոլ Փաշինյանը հրաժարական է ներկայացրել հոկտեմբերի 16-ին, ՀՀ նախագահը նույն օրն ընդունել է կառավարության հրաժարականը: Հետևաբար, Ազգային ժողովի խմբակցությունները մինչև հոկտեմբերի 23-ը ժամանակ ունեն վարչապետի թեկնածու առաջադրելու համար, իսկ դրան հաջորդող օրը արդեն տեղի կունենա վարչապետի ընտրության հարցի քննարկումը:
