24.06.2026 | 05:04
ԱԱ-2026. Խորվաթիան տարավ առաջին հաղթանակը. ՏԵՍԱՆՅՈՒԹ
Արմեն Դանիելյանն ընտրվեց Վճռաբեկ դատարանի դատավոր․ ՏԵՍԱՆՅՈՒԹ
Հասարակություն
11.09.2025 | 16:01
Արմեն Դանիելյանն ընտրվեց Վճռաբեկ դատարանի քրեական պալատի դատավոր: ԱԺ հաշվիչ հանձնախմբի նախագահ Նարեկ Բաբայանը, ներկայացնելով պատգամավորների քվեարկության արդյունքները, տեղեկացրեց, որ 107 պատգամավորից քվեարկությանը մասնակցել էր 66 պատգամավոր, քվեատուփում անվավեր քվեաթերթիկներ չեն եղել:
Բաբայանի փոխանցմամբ՝ Լուսինե Աբգարյանի թեկնածությանը կողմ է քվեարկել 1 պատգամավոր, Արմեն Դանիելյանի թեկնածությանը՝ 65, Նելլի Բաղդասարյանի թեկնածությանը՝ 0 պատգամավոր:
Նշենք, որ Վճռաբեկ դատարանի քրեական պալատի դատավորի թեկնածուներին առաջադրել էր Բարձրագույն դատական խորհուրդը:
Հավելենք, որ թեկնածուների հարցի քննարկման ժամանակ խորհրդարանական ընդդիմությունը Արմեն Դանիելյանի անաչառությունը կասկածի տակ դրեց՝ նրան համարելով «իշխանության սրտի դատավոր»։ Դանիելյանը հերքում է ընդդիմադիրների պնդումները՝ հայտարարելով, որ ինքը գործում է օրենքի շրջանակներում։
Մանրամասները՝ տեսանյութում։
Մանյա Պողոսյան
