30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
ՌԴ ԱԳՆ-ն անդրադարձել է Հայաստանի ու Ադրբեջանի՝ ԱՊՀ-ին անդամակցության շարունակման հարցին
Քաղաքականություն
11.09.2025 | 15:22
ՌԴ ԱԳ փոխնախարար Ալեքսանդր Պանկինը Ռիա Նովոստիին մեկնաբանելով Հայաստանի և Ադրբեջանի՝ ԱՊՀ-ում անդամակցության շարունակման համար որևէ սպառնալիքի առկայության մասին հարցը՝ մատնանշել է երկու երկրների միջև հարաբերությունների կարգավորումը։
Հարցին ի պատասխան հակադարձել է. «Ու՞մ կողմից սպառնալիքներ։ Ու՞մ համար և ո՞ւմ կողմից»։ «Իրականում, ԱՊՀ-ին անդամակցությունը կամավոր է», – ընդգծել է նա։
Ռուսաստանի արտաքին գործերի փոխնախարարի խոսքով՝ երկու երկրներն էլ բավականին հաճախ են միանում տարբեր մակարդակներում ընդունված համատեղ հայտարարություններին և փաստաթղթերին։
«Ես չգիտեմ, թե որտեղից է վերցվել «սպառնալիք» բառը։ Սա պետությունների ազատ միավորում է։ Ավելին, մենք տեսնում ենք , որ գնում է Հայաստանի և Ադրբեջանի միջև հարաբերությունների կարգավորում։ Հուսով ենք, որ սա նաև դրական գործոն կլինի ԱՊՀ-ում հետագա մասնակցության համար», – եզրափակել է Պանկինը։
Թարգմանությունը՝ Էմմա Չոբանյանի
