Հասարակություն
23.10.2018 | 13:25
Ինձ շատ զարմացնում է, որ բանակի մահվան դեպքերը դեռ իշխանության կենտրոնում չեն հայնտվել: Այս մասին այսօր «Մարդու իրավունքների վիճակը բանակում 2018 թ.» թեմայով քննարկման ժամանակ ասաց «Լրագրողներ հանուն մարդու իրավունքների» ՀԿ-ի նախագահ Ժաննա Ալեքսանյանը։
Վերջինս մասնավորեցրեց այն ինքնասպանության դեպքերը, որոնք բանակում տեղի են ունեցել 2018 թվականի ապրիլից մինչ այսօր։
«Ալեք Կարապետյան, Արթուր Կարապետյան, Լևոն Թորոսյան, Համլետ Գրիգորյան, Հմայակ Հակոբյան, Կարեն Հովհաննիսյան, Վանիկ Գևորգյան, Աղասի Մկրտչյան․ սրանք այն տղաների անուններն են, որոնք ինքնասպան են եղել բանակում, նրանցից 4-ը միայն այս տարվա մայիս ամսին են արձանագրվել»,- ասաց Ալեքսանյանը՝ շեշտելով, որ այդ դեպքերի հիմնական մասը արձանագրվել է Արցախի զորամասերում։
Քննարկման մասնակից, հոկտեմբերի 1-ին ինքնասպան եղած Գևորգ Հարոյանի ազգականն էլ հավելեց, որ ինքնասպան եղած Գևորգ Հարոյանը եղել է բարձրագույն կրթությամբ, հոգեպես պատրաստված երիտասարդ, տեսակով էլ այնպիսին էր, որ չէր կարող հանդուրժել նաև բանակում տեղի ունեցող անարդարությունները, տեսներ և հանդուրժեր այն, թե ինչպես են սպաները ծեծում զինվորիներին։
«Եթե ասում են, որ Գևորգն ինքնասպան է եղել, ես էլ ասում եմ, որ նախարար Դավիթ Տոնոյանը պետք է բացատրություն տա»,- ասաց Հարոյանի հարազատը՝ դիմելով կոչով վարչապետ Փաշինյանին ։
«Մենք՝ զինվորների հարազատներս, պետք է մտնենք և տեսնենք, թե ինչպե՞ս են ծառայում մեր տղաները։ Առաջարկում եմ զինծառայողների ծնողներին տանեն մի քանի օր թողնեն զորամասում՝ հասկանալու համար, ինչպե՞ս են ապրում իրենց տղաները»,- ասաց նա։
