15.03.2026 | 13:39
Սպասվում է նաև բուք, ցածր հորիզոնական տեսանելիություն, ավտոճանապարհներին՝ մերկասառույց․ առաջիկա օրերի եղանակային կանխատեսումը
ՔՊ-ն կարող է ընտրությունների մասնակցել և՛ գործող օրենսդրությամբ, և՛ փոփոխված տարբերակով, մնացածը թող որոշեն երեկվա նիստին ԾԴ-ի, ՀՅԴ-ի, ՀՀԿ-ի բացակա պատգամավորները. Լենա Նազարյան
Քաղաքականություն
23.10.2018 | 12:28
ԱԺ «Ելք» խմբակցության ղեկավար Լենա Նազարյանը ֆեյսբուքյան իր էջում արված գրառմամբ տեղեկացրել է, որ «Ելքը» միացել է ԸՕ-ի փոփոխությունների նախագիծը 2-րդ անգամ արտահերթ ընթերցման համար ԱԺ ներկայացնելու «Ծառուկյան» դաշինքի նախաձեռնած ստորագրահավաքին:
««Ելք» խմբակցության պատգամավորները միացել են Ընտրական օրենսգրքի փոփոխությունների նախագիծը երկրորդ անգամ արտահերթ ընթերցման համար ԱԺ ներկայացնելու «Ծառուկյան» դաշինքի նախաձեռնած ստորագրահավաքին: Հատուկ ցանկանում եմ նշել, որ ՔՊ-ն կարող է ընտրությունների մասնակցել և՛ գործող օրենսդրությամբ, և՛ փոփոխված տարբերակով. մեր նպատակն է բարելավել պայմանները փոքր, նոր ձևավորվող կամ հանրային քիչ աջակցություն ունեցող կուսակցությունների համար, որպեսզի նրանք նույնպես կարողանան պայքարել ԱԺ-ում իրենց գաղափարները ներկայացնելու համար: Մնացածը թող որոշեն երեկվա նիստին ԾԴ, ՀՅԴ, ՀՀԿ խմբակցությունների բացակա պատգամավորները»,- գրել է նա:
