Բաքուն ակնկալում է մոտ ապագայում կարգավորել հարաբերությունները Ֆրանսիայի հետ

Լուրեր

21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
Բոլորը

Ադրբեջանն ակնկալում է մոտ ապագայում կարգավորել հարաբերությունները Ֆրանսիայի հետ։ Այս մասին ֆրանսիական լրատվամիջոցներին տված հարցազրույցում հայտարարել է Ֆրանսիայում Ադրբեջանի դեսպան Լեյլա Աբդուլաևան, գրում են ադրբեջանական ԶԼՄ-ները։

Նրա խոսքով՝ Ֆրանսիայում այսօր նկատվող քաղաքական ճգնաժամը կարող է ազդեցություն ունենալ Փարիզի տարբեր քաղաքական ոլորտների վրա, և Ադրբեջանը կշարունակի հետևել զարգացումներին։

«Ակնհայտ է, որ Ֆրանսիայում ներքին ճգնաժամը կարող է ազդեցություն ունենալ նաև այլ ոլորտների վրա, բայց կտեսնենք, թե ինչպես այն կավարտվի։ Եվ չնայած մենք չենք տեսնում ճգնաժամի անմիջական ազդեցությունը մեր երկկողմ հարաբերությունների վրա, մենք հույս ունենք, որ դրանք շուտով կկարգավորվեն», – ասել է դեսպանը։

Նրա խոսքով՝ ադրբեջանա-ֆրանսիական հարաբերությունները «վատթարացել են Բաքվի և Երևանի միջև արդեն ավարտված հակամարտության հարցում Փարիզի կողմնակալ դիրքորոշման պատճառով»։

Աբդուլաևան անդրադառնալով Հարավային Կովկասում ստեղծված իրավիճակին՝ ասել է,թե Ադրբեջանը կարողացել է պայմաններ ստեղծել Հայաստանի հետ հարաբերություններ հաստատելու համար, և երկրներին մնացել է լուծելու միայն մի քանի հարց՝ խաղաղության պայմանագրի վերջնական ստորագրման համար։

«Մենք իսկապես փակել ենք մեր երկրների միջև թշնամանքի էջը։ Եվ այս պահին խաղաղության վերջնական ստորագրման առջև կանգնած է միայն մեկ բան՝ դա Հայաստանի Սահմանադրությունն է։ Մենք միայն ուզում ենք, որ Ադրբեջանի նկատմամբ տարածքային պահանջները վերացվեն։ Եվ դրանից հետո մենք կկարողանանք վստահորեն խոսել երկարատև խաղաղության մասին», – նշել է նա։

Աբդուլաևան ասել է, որ կողմերը իսկապես շարժվում են դեպի դա, քանի որ Բաքվի և Երևանի միջև Վաշինգտոնում ԱՄՆ նախագահ Դոնալդ Թրամփի ներկայությամբ խաղաղության պայմանագրի նախաստորագրումը ցույց է տալիս Ադրբեջանի և Հայաստանի կողմից ստանձնած պարտավորությունները։

«Սա, ըստ էության, երկու կողմերի պարտավորությունն էր՝ բարիդրացիական հարաբերություններ հաստատելու ինքնիշխանության հարգանքի, միջազգային սահմանների անձեռնմխելիության և ուժի կիրառման անթույլատրելիության սկզբունքների հիման վրա», – ընդգծել է Ադրբեջանի դեսպանը։

Նրա կարծիքով` նման ձեռքբերումները  եզակի են Հարավային Կովկասի տարածաշրջանի համար, քանի որ այնտեղ իրավիճակը երկար ժամանակ անկայուն է եղել։

«Այսօր Հարավային Կովկասը այն հազվագյուտ տարածաշրջաններից մեկն է, որտեղ մենք տեսնում ենք երկու երկրների դրական զարգացումը և տեսանելի արդյունքները, որոնք ընտրել են խաղաղության և համագործակցության հաստատման ուղին։ Սա Ադրբեջանի և Հայաստանի դեպքն է՝ երկու երկրներ, որոնք հակամարտության մեջ էին», – եզրափակել է դիվանագետը։

Հիշեցնենք, որ Բաքվի ու Փարիզի հարաբերությունները բավականին լարված են։  Ադրբեջանի նախագահ Իլհամ Ալիևն էլ  բազմիցս տարբեր մեղադրանքներ է հնչեցրել անձամբ Ֆրանսիայի նախագահ Էմանուել  Մակրոնի ու Ֆրանսիայի հասցեին՝ մեղադրելով, իբր, գաղութատիրության ու այլ հանցանքների մեջ։

Ադրբեջանի կողմից հակաֆրանսիական պետական արշավի շրջանակում այդ երկրի իշխանությունների կողմից 2023 թվականի հուլիսի 6-ին ստեղծվել է Բաքվի նախաձեռնող խումբ, որը Փարիզի դեմ տարբեր միջոցառումներ է անցկացնում՝ դրանում ներգրավելով ֆրանսիական անդրծովյան տարածքների ներկայացուցիչներին։ Այն կազմակերպել է մեկ տասնյակից ավելի միջազգային համաժողովներ, որոնցից մի քանիսը՝ ՄԱԿ-ի կենտրոնակայաններում՝ Նյու Յորքում, Ժնևում և Վիեննայում, Ստամբուլում, Բաքվում։ Ադրբեջանը նաև ֆինանսավորում է Ֆրանսիայի և Կորսիկայի անդրծովյան տարածքների տարբեր ներկայացուցիչներին։ Ֆրանսիայի ներքին գործերի նախարարն էլ նախորդ տարի Բաքվին մեղադրել էր Նոր Կալեդոնիայում տեղի ունեցած անկարգություններին մասնակցության մեջ։

Էմմա Չոբանյանի