02.03.2026 | 16:32
Իրանից 312 մարդ է տարհանվել Ադրբեջանի սահմանով
Ռուսաստանը կպատասխանի Կիևի հակառուսական պատժամիջոցներին
Քաղաքականություն
22.10.2018 | 20:26
Ռուսաստանի նախագահ Վլադիմիր Պուտինը Կիևի նկատմամբ հատուկ տնտեսական միջոցների մասին հրամանագիր է ստորագրել, տեղեկանում ենք Կրեմլի պաշտոնական կայքից:
Հաղորդագրության համաձայն՝ սա «պատասխան է միջազգային իրավունքին հակասող Ուկրաինայի գործողություններին՝ կապված Ռուսաստանի Դաշնության քաղաքացիների և իրավաբանական անձանց նկատմամբ սահմանափակող միջոցների սահմանման հետ»:
Մոսկվան տնտեսական հատուկ միջոցները կչեղարկի, եթե Կիևը դադարեցնի ռուսաստանցիների և ռուսական ընկերությունների նկատմամբ պատժամիջոցներ սահմանելու գործողությունները:
ՌԻԱ Նովոստին հիշեցնում է, որ Մոսկվայի ու Կիևի հարաբերությունները վատթարացան Ուկրաինայում պետական հեղաշրջումից, ՌԴ կազմ Ղրիմի վերադարձից հետո: Աղբյուրի համաձայն՝ Մոսկվան բազմիցս է հայտարարել, որ հանդես չի գալիս որպես ներուկրաինական հակամարտության կողմ և շահագրգռված է, որ Կիևը հաղթահարի քաղաքական ու տնտեսական ճգնաժամը:
Նշենք, որ Ուկրաինան պատժամիջոցներ է սահմանել ռուսական ընկերությունների և ֆիզիկական անձանց նկատմամբ, և ցանկը պարբերաբար համալրվում է:
