28.09.2026 | 22:28
Չեմ տեսել,որ եղել է,հետո հեռացվել է․ ՔՊ խմբակցության քարտուղարը՝ Ալբերտ Հովհաննիսյանի լուսանկարի մասին. ՏԵՍԱՆՅՈՒԹ
Խորհրդարանական մեծամասնությունը և նրա կողմնակիցներն ամեն ինչ անում են սաբոտաժի քաղաքականություն իրականացնելու համար․ Նիկոլ Փաշինյան. ՏԵՍԱՆՅՈՒԹ
Քաղաքականություն
22.10.2018 | 18:12
«Իմ քաղաքական գնահատականը հետևյալն է, որ այս քվեարկությամբ ԱԺ-ն ևս մեկ անգամ ի ցույց դրեց, որ արտահերթ խորհրդարանական ընտրություններն անխուսափելի են և առանց ընտրությունների մենք ուղղակի չենք կարողանա որևէ քայլ անել։ Այսօրվա քվեարկությունը ցույց տվեց իրերի իրական դրությունը և խորհրդարանական մեծամասնությունը և նրա կողմնակիցներն ամեն ինչ անում են սաբոտաժի քաղաքականություն իրականացնելու համար։ Վերջին երկու շաբաթվա ընթացքում, կամ վերջին 20 օրվա ընթացքում դա մի քանի անգամ ակնհայտ երևաց»,- ուղիղ եթերում այսպես արձագանքեց վարչապետ Նիկոլ Փաշինյանը ԱԺ-ի կողմից Ընտրական օրենսգրքում փոփոխություններ կատարելու նախագծի չընդունմանը։
Վարչապետը նշեց, որ նմանատիպ քայլերն ուղղված են ընտրությունները ռևանշի վերածելուն․ «Նրանք հույս ունեն որ այս ճանապարհով խորհրդարանական ընտրությունները կկարողանան վերածել ռևանշի գործիքի։ Բայց եթե անգամ ընտրությունները տեղի ունենան գործող Ընտրական օրենսգրքով, միևնույն է, որևէ բան չի փոխվում, որովհետև ժողովրդի հաղթանակն անխուսափելի է, վերադարձ անցյալին չկա ու չի լինելու»։
Նա կոչ արեց ժողովրդին իշխանափոխությունը հասցնել իր վերջնական հանգրվանին՝ ընտրություններին ամրագրելով իրենց կամքը։
