09.10.2026 | 15:35
Երևանում սպասվում են կարճատև անձրևներ
Քննարկվել են Հայաստանում ստարտափ միջավայրի զարգացմանը միտված նախաձեռնությունները
Տնտեսություն
03.09.2025 | 21:48
Այսօր շրջակա միջավայրի նախարար Համբարձում Մաթևոսյանը ընդունել է «Ստարտափ Արմենիա» գիտակրթական հիմնադրամի համահիմնադիր Հակոբ Հակոբյանին և «Սևան ստարտափ սամմիթ»-ի ներկայացուցիչներին։ Այդ մասին հայտնում են ՇՄՆ-ից` նշելով, որ հանդիպման ընթացքում քննարկվել են կողմերի միջև հնարավոր համագործակցության ուղղությունները, մասնավորապես՝ Հայաստանում ստարտափ միջավայրի զարգացմանն ու ամրապնդմանը միտված նախաձեռնությունները։
Անդրադարձ է կատարվել նաև Կենսաբազմազանության մասին կոնվենցիայի COP17 համաժողովի կազմակերպչական և նախապատրաստական աշխատանքներին։ Քննարկվել է համաժողովի շրջանակում համատեղ միջոցառումների անցկացման հնարավորությունը՝ «Ստարտափ Արմենիա»-ի հետ համագործակցության ձևաչափով։
Նախարարը ընդգծել է, որ նման միջազգային հարթակները պետք է ծառայեն ոչ միայն կազմակերպչական նպատակների, այլև՝ որպես հնարավորություն՝ նորարար երիտասարդներին և ձեռնարկատերերին ներգրավելու և նրանց ներուժը ի հայտ բերելու համար։
Կողմերը պայմանավորվել են շարունակել քննարկումները և սահմանել հստակ օրակարգ՝ փոխգործակցությունը խորացնելու նպատակով։
