18.12.2025 | 15:28
Պատրաստ եմ ընդունել իր արժանապատիվ հեռացումը ապահովելու օրակարգով․ Փաշինյանը՝ Գարեգին Բ-ի մասին․ ՏԵՍԱՆՅՈՒԹ
Եթե որևէ մեկը փորձի դավադրություն անել, խոսքը էլի պիտի ասի ժողովուրդը. Նիկոլ Փաշինյանը՝ ԱԺ արտահերթ ընտրությունների մասին. ՏԵՍԱՆՅՈՒԹ
Քաղաքականություն
22.10.2018 | 14:24
Իշխանությունը որևէ քայլ չի ձեռնարկել, փորձ չի արել՝ քաղաքացիների ընտրությունը որևէ կերպ իր ցանկությունների տրամաբանության մեջ դնելու համար: Այս մասին այսօր՝ հոկտեմբերի 22-ին, ֆեյսբուքյան ուղիղ եթերում հայտարարեց ՀՀ վարչապետի պաշտոնակատար Նիկոլ Փաշինյանը՝ անդրադառնալով հոկտեմբերի 21-ին կայացած ՏԻՄ ընտրություններին ու դրանց արդյունքներին:
«Տեսեք՝ ինչ է տեղի ունեցել: Գիտեք, որ Կապանում ես այլ թեկնածուի է պաշտպանում, և այլ թեկնածու հաղթեց: Շատ կարևոր է, որ այս փաստի գնահատականը ճիշտ տանք: Աննախադեպ երևույթ է, որ երկրի վարչապետն անձամբ պաշտպանում է մի թեկնածուի, և այդ թեկնածուն չի հաղթում: Սա ժողովրդավարության մեծագույն հաղթանակն է երրորդ հանրապետության պատմության մեջ»,- ասաց Փաշինյանը:
Ինչ վերաբերում է արտահերթ խորհրդարանական ընտրություններին. վաղը լրանում է վարչապետի թեկնածու առաջադրելու առաջին ժամկետը, դրանից հետո ևս մեկ շաբաթ է անհրաժեշտ, որպեսզի արտահերթ խորհրդարանական ընտրություններ տեղի ունենան: «Այս ընթացքում կարո՞ղ են, արդյոք, լինել դավադրություններ՝ արտահերթ խորհրդարանական ընտրությունները տապալելու, ձախողելու համար: Տեսականորեն՝ այո: Բոլոր խմբակցությունները հայտարարել են, որ դա չեն անի: Բայց եթե հանկարծ որևէ մեկը փորձի դավադրություններ անել, խոսքը էլի պիտի ասի ժողովուրդը: Ես նորից այս ճանապարհով պետք է դիմեմ ձեզ, որ հավաքվենք, ժողովուրդը հավաքվի և իր խոսքն ասի: Առաջիկա մեկ շաբաթը շատ վճռական է լինելու»,- նշեց Նիկոլ Փաշինյանը:
Մանրամասները՝ տեսանյութում
