05.10.2026 | 14:44
Դուք որևիցե հարցի պատասխանելու ընդունակ չեք․ Լիաննա Գասպարյանը՝ Քաղծառայության գրասենյակի պետին․ ՏԵՍԱՆՅՈՒԹ
Ամեն ինչ հնարավոր է. Կրեմլը՝ Չինաստանում Պուտին-Ալիև հանդիպման հնարավորության մասին
Քաղաքականություն
29.08.2025 | 21:44
Ռուսաստանի և Ադրբեջանի նախագահներ Վլադիմիր Պուտինի ու Իլհամ Ալիևի միջև Պեկինում երկկողմ հանդիպման վերաբերյալ հատուկ պայմանավորվածություն չկա, սակայն երկու երկրների ղեկավարները կմասնակցեն Երկրորդ համաշխարհային պատերազմի ավարտի 80-ամյակի տոնակատարություններին, ուստի «ամեն ինչ հնարավոր է»։ Այս մասին լրագրողների հետ ճեպազրույցում ասել է Ռուսաստանի նախագահի միջազգային հարցերով օգնական Յուրի Ուշակովը։
«Հատուկ այդպիսի հանդիպում չկա, մենք դրա մասին չենք պայմանավորվել։ Բայց առաջնորդները նույն սեղանի շուրջ կլինեն նույն միջոցառումների ժամանակ։ Ինչպես ասում են՝ ամեն ինչ հնարավոր է, եթե կա դրան ձգտում, եթե կա կամք»,- նշել է Ուշակովը։
Հիշեցնենք, որ ավելի վաղ Պուտին-Ալիև հնարավոր հանդիպմանն անդրադարձել էր ՌԴ նախագահի մամուլի քարտուղար Դմիտրի Պեսկովը։
Թարգմանությունը՝ Էմմա Չոբանյանի
