07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
ՀՀ ԱԳՆ-ն մանրամասներ է հայտնել Պակիստանի ԱԳ նախարարի հետ Միրզոյանի հեռախոսազրույցից
Քաղաքականություն
29.08.2025 | 17:47
ՀՀ ԱԳ նախարար Արարատ Միրզոյանը հեռախոսազրույց է ունեցել Պակիստանի Իսլամական Հանրապետության փոխվարչապետ և արտաքին գործերի նախարար Մոհամմադ Իշաք Դարի հետ։
ՀՀ արտաքին քաղաքական գերատեսչությունից հայտնում են, որ զրուցակիցները քննարկել են Հայաստանի և Պակիստանի միջև դիվանագիտական հարաբերությունների հաստատման հարցը:
«Պակիստանի փոխվարչապետը ողջունել է Հայաստանի և Ադրբեջանի միջև օգոստոսի 8-ին Վաշինգտոնում ձեռքբերված համաձայնությունները՝ որպես տարածաշրջանում խաղաղության հաստատման կարևոր հանգրվան:
Արարատ Միրզոյանը և Իշաք Դարն անդրադարձ են կատարել երկկողմ ձևաչափով և բազմակողմ հարթակներում փոխգործակցության հնարավորություններին»,- ասված է ՀՀ ԱԳՆ-ի տարածած հաղորդագրությունում։
Հիշեցնենք, որ ավելի վաղ տեղեկացրել էինք՝ ՀՀ-ի և Պակիստանի ԱԳ նախարարները երկրների միջև դիվանագիտական հարաբերությունների հաստատման հարցեր են քննարկել։
«Այսօր ես և Հայաստանի Հանրապետության արտաքին գործերի նախարար Արարատ Միրզոյանի հետ ջերմ հեռախոսազրույց ունեցանք և համաձայնության եկանք քննարկել Պակիստանի և Հայաստանի միջև դիվանագիտական հարաբերություններ հաստատելու հարցը»,- ասված է Մոհամմադ Իշաք Դարիի գրառման մեջ։
