24.04.2026 | 23:32
Կապանում ջրանջատում կլինի
Ծեփե՛ք, բոլորին ծեփե՛ք, որ իմանան՝ չի՛ կարելի․ Տիգրան Ուրիխանյան․ ՏԵՍԱՆՅՈՒԹ
Քաղաքականություն
22.10.2018 | 13:41
Ազգային ժողովի «Ծառուկյան» խմբակցության պատգամավոր Տիգրան Ուրիխանյանին մեկ հարց է հետաքրքրում՝ ինչպե՞ս է հաջողվելու արդար և թափանցիկ ընտրություններ անցկացնել դեկտեմբերին, եթե ընտրական հանձնաժողովների նախագահների և քարտուղարների մեջ դեռևս մեծ թիվ են կազմում «Հանրապետական» կուսակցության անդամները։
Պատգամավորի հարցին ի պատասխան՝ արդարադատության նախարարի ժամանակավոր պաշտոնակատար Արտակ Զեյնալյանը նշեց, որ ընտրություններին մասնակցող յուրաքանչյուր ոք պետք է գիտակցի, որ կատարյալ արդար ընտրություն անցկացնել թեև օբյեկտիվորեն հնարավոր չէ, սակայն ընտրողներն իրենք պետք է հանդես գան օրենքների և արդարության պաշտպանությամբ։
«Քաղաքական ուժերը, քաղաքացիները պատասխանատվություն են կրում ընտրությունների նկատմամբ վերահսկողություն իրականացնելու առումով»,- ասաց Արտակ Զեյնալյանը։
Ի պատասխան Տիգրան Ուրիխանյանը նշեց, որ ավելի լավ է կոնկրետ ասել՝ ով հանկարծ տեղամասում մեկի քվեաթերթիկների տրցակը վերցնի և դնի մյուսի անվան տակ, ինչպես ասում է վարչապետը, ծեփելու ենք ասֆալտին. «Եկեք այսպես անենք, ծեփե՛ք, բոլորին ծեփեք, որ իմանան՝ չի՛ կարելի․ ընտրություններից է ամեն ինչ սկսում»։
Մանրամասները՝ տեսանյութում։
