22.05.2026 | 17:35
Օվերչուկը հայտարարել է, թե Մոսկվան ցանկանում է, որ Հայաստանը մնա ԵՏՄ-ում
Կառավարությունն արտոնություն տվեց Սամվել Ալեքսանյանի ընտանիքին պատկանող ընկերություններից մեկին
Տնտեսություն
28.08.2025 | 11:50
Գործարար Սամվել Ալեքսանյանի ընտանիքին պատկանող ընկերություններից մեկը՝ «Ալեքս Ֆաբրիկա» ՍՊԸ-ն, արտոնություն ստացավ։ Կառավարությունն այսօր նման որոշում կայացրեց չզեկուցվող հարցերի փաթեթով։
Գործադիրը հագուստի արտադրությամբ զբաղվող ընկերությանն ազատեց մաքսատուրքից, որի արժեքը գնահատվում է 30 մլն դրամ, իսկ արտոնություն ստանալու համար ներկայացված ապրանքների արժեքը գնահատվում է 337 մլն դրամ:
Կառավարության ներկայացրած հիմնավորման մեջ նշվում է, որ ընկերությունը նախատեսվում է իրականացնել 337 մլն դրամի ներդրում հումքի ձեռքբերման համար։
Ներկայում «Ալեքս Ֆաբրիկա»-ում առկա է 42 աշխատատեղ՝ 160 հազար դրամ միջին ամսական աշխատավարձով։ Ներդրումային ծրագրի շրջանակում մինչև 2028 թվականը նախատեսվում է աշխատատեղերի քանակը հասցնել 52-ի՝ 200 հազար դրամ միջին ամսական աշխատավարձով։
Ըստ նախագծի՝ արտոնության առկայությունը լուրջ խթան կհանդիսանա նոր ներդրումային ծրագրերի իրականացման և, որպես հետևանք, նոր աշխատատեղերի ստեղծման, ներդրումների ներգրավման, տեղական արտադրության և արտահանման խթանման համար:
Հագուստի արտադրությամբ զբաղվող «Ալեքս Ֆաբրիկա»-ն հիմնադրվել է 2019 թվականին Երևանոււմ։
Մանյա Պողոսյան
