19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Մեր հարաբերությունները գործընկերների հետ ուղիղ են, անկեղծ և առանց մութ անկյունների. Նիկոլ Փաշինյան
Քաղաքականություն
22.10.2018 | 12:49
Մեր հարաբերությունները և իմ անձնական հարաբերությունները մեր գործընկերների հետ ուղիղ են, անկեղծ և առանց մութ անկյունների: Այս մասին այսօր՝ հոկտեմբերի 22-ին, լրագրողների հետ զրույցում ասաց ՀՀ վարչապետի պաշտոնակատար Նիկոլ Փաշինյանը:
«Ես ուրախ եմ, որ մեր գործընկերների, այդ թվում՝ ՌԴ նախագահ Վլադիմիր Պուտինի հետ փոխվստահության մթնոլորտ է ձևավորվել: Դա չի նշանակում, որ ամեն ինչի հարցում ունենք նույն տեսակետը, ամեն ինչում համաձայն ենք: Դա նշանակում է, որ մենք ըմբռնում ենք փոխադարձաբար միմյանց տեսակետները, և վստահ ենք երկուստեք, որ անկեղծ ենք»,- նշեց Փաշինյանը՝ պատասխանելով լրագրողի հարցին, թե ԱԳ փոխնախարար Շավարշ Քոչարյանն ասել է՝ Ռուսաստանը խանդով է վերաբերվում գերտերությունների հետ մեր հարաբերություններին:
Ինչ վերաբերում է հայ-ամերիկյան հարաբերություններին. դրանցում նոր որակ, նոր պայմանավորվածություններ սպասվո՞ւմ են: «Կարող եմ ասել, որ գործնականում տեսնում եք, որ մեր միջազգային գրեթե բոլոր գործընկերների հետ շատ ինտենսիվ և բարձր մակարդակի շփումներ են տեղի ունենում: Ցավոք՝ ԱՄՆ-ի պարագայում այդքան ինտենսիվ չեն մինչև վերջին ժամանակները: Հույս ունենք, որ առաջիկա շփումների ընթացքում կինտենսիվանան»,- նշեց վարչապետի պաշտոնակատարը:
