24.04.2026 | 23:32
Կապանում ջրանջատում կլինի
Եթե մնա ռեյտինգային համակարգը, կարո՞ղ է իշխանության որակը դրանից տուժել․ Մ․ Մելքումյանն՝ Արտակ Զեյնալյանին․ ՏԵՍԱՆՅՈՒԹ
Քաղաքականություն
22.10.2018 | 12:46
Ի՞նչ է նշանակում՝ մենք գտնվում ենք ֆորսմաժորային իրավիճակում. Ազգային ժողովում արդարադատության նախարարի ժամանակավոր պաշտոնակատար Արտակ Զեյնալյանին հարց ուղղեց ԱԺ փոխնախագահ, «Ծառուկյան» խմբակցության պատգամավոր Միքայել Մելքումյանը։
«Գնահատականը քաղաքական է, իսկ իրավական գնահատականն այն է, որ երկրում կա հակասահմանադրական իրավիճակ, բացակայում է կայուն քաղաքական մեծամասնությունը, և ԱԺ-ում այսօրվա տիրող իրավիճակը հենց դրա մասին է խոսում։ Երկրում կառավարում իրականացնելու համար բավական բարդ իրավիճակ է ստեղծվել, օր առաջ դա պետք է վերացնենք»,- ասաց Ա․ Զեյնալյանը։
Միքայել Մելքումյանն ի պատասխան նկատեց․«Եթե ընդունենք, որ այս օրենսգիրքը չանցնի, ի՞նչ է ստացվելու: Հին ընտրակարգի մնալու պարագայում, ասենք ռեյտինգայինից կարո՞ղ է իշխանության որակը տուժել»։
Ի պատասխան ԱԺ փոխնախագահի հարցադրման՝ Արտակ Զեյնալյանը պատասխանեց․ «Այն նախագիծը, որը մենք ներկայացրել ենք, ավելի նպաստավոր է ընտրական ինստիտուտի զարգացման համար, իսկ փոփոխությունները չընդունելու դեպքում գործադիր իշխանությունը հանձնառու է անցկացնել այնպիսի ընտրություններ, որոնց նկատմամբ վստահության ռեսուրսը կլինի մաքսիմալ, ինչպիսին Երևանի ավագանու ընտրությունների ժամանակ էր»։
Մանրամասները՝ տեսանյութում։
