16.07.2026 | 17:02
Ուկրաինայի հեռացող ՊՆ ղեկավարը խոստովանել է ԶՈւ գլխավոր հրամանատարի հետ կոնֆլիկտի առկայությունը
Նոյեմբերի 9-ի հայտարարությունն ավելի լավն էր, քան Վաշինգտոնում նախաստորագրվածը․ նրանով Արցախի հանրապետություն կար. Քրիստինե Վարդանյան․ ՏԵՍԱՆՅՈՒԹ
Քաղաքականություն
27.08.2025 | 19:00
Փաշինյանի կառավարումը Հայաստանի շահից չի բխում, գալով իշխանության՝ կվերանայենք Ադրբեջանի հետ նախաստորագրված համաձայնագիրը։ Factor TV-ի հետ հարցազրույցում այս մասին հայտարարեց ԱԺ «Հայաստան» խմբակցության պատգամավոր Քրիստինե Վարդանյանը։
Ըստ նրա՝ Վաշինգտոնում նախաստորագրված փաստաթղթում առկա չեն մի շարք խնդիրների լուծումներ, ինչն այն ոչ ընդունելի է դարձնում՝ Արցախի հայերի հարց, գերիների ազատում, ՀՀ-ից օկուպացված տարածքներից ադրբեջանական զորքերի դուրսբերում և այլն։
Ընդդիմադիր գործիչը պնդեց, որ Նիկոլ Փաշինյանի բանակցած յուրաքանչյուր նոր փաստաթուղթը նախորդից վատ պայմաններ է ենթադրում․ «Նոյեմբերի 9-ի հայտարարությունն ավելի լավն էր, քան՝ Վաշինգտոնում նախաստորագրվածը, նրանով Արցախի հանրապետություն կար, Լաչինի միջանցք և այլն»։
ՀՅԴ-ն սեպտեմբերի 2-ին հանրահավաք է հրավիրել՝ Արցախի անկախության օրվա կապակցությամբ։
«Արցախի վերադարձի ճանապարհն ընկած է հայերի՝ Արցախ վերադարձով, սեպտեմբերի 2-ի հանրահավաքով աջակցում ենք արցախահայերին»,- ասաց Քրիստինե Վարդանյանը։
Հարցազրույցն ամբողջությամբ՝ տեսանյութում։
Ռոբերտ Անանյան
