29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
ՄԱԿ-ն առաջին անգամ պաշտոնապես հաստատել է՝ Գազայում սով է
Քաղաքականություն
22.08.2025 | 16:45
Գազայի հատվածում սովն առաջին անգամ պաշտոնապես հաստատվել է, հայտարարել է ՄԱԿ-ի կողմից հովանավորվող սննդի անվտանգության մոնիթորինգի համար պատասխանատու մարմինը, հաղորդում է Euronews-ը։
Ինտեգրված սննդի անվտանգության փուլային դասակարգումը բարձրացվել է մինչև 5-րդ փուլ, որը սննդի անապահովության սանդղակի ամենավատ մակարդակն է։
Նշվում է, որ սովը հաստատվել է Գազայի շրջանում, որը ներառում է Գազա քաղաքը, միաժամանակ, «աղետալի պայմանները» սեպտեմբերի վերջին կարող են տարածվել Դեյր ալ-Բալահ և Խան Յունիս։
Գազայում սովի մասին հայտարարվել է մարդասիրական կազմակերպությունների կողմից ամիսներ շարունակ արված նախազգուշացումներից հետո, որ Իսրայելի կողմից Գազային տրամադրվող սննդի և այլ օգնության սահմանափակումները, ինչպես նաև ռազմական հարձակումը հանգեցնում են պաղեստինցի քաղաքացիական անձանց, մասնավորապես, երեխաների շրջանում սովի բարձր մակարդակի։
Սա առաջին դեպքն է, երբ Միջազգային իրավունքի հանձնաժողովը հաստատում է Մերձավոր Արևելքում սովի առկայությունը։
Իսրայելը հայտարարել է, որ ծրագրում է ակտիվացնել ռազմական գործողությունները՝ գրավելով Գազա քաղաքը և ՀԱՄԱՍ-ի այլ հենարաններ, ինչը, փորձագետների կարծիքով, կվատթարացնի պարենային ճգնաժամը։
