05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Խաղաղության համաձայնագրի նախաստորագրումը փաստացի վերջ է դնում Ադրբեջանի և Հայաստանի միջև առճակատմանը․ Ալիև
Քաղաքականություն
21.08.2025 | 14:45
Հայաստանի և Ադրբեջանի միջև հարաբերությունների կարգավորման գործընթացը, կարելի է ասել, ավարտված է, և ստորագրված փաստաթղթերը լիովին ապահովում են մեր շահերը։ Ադրբեջանական լրատվամիջոցների հաղորդմամբ՝ այս մասին Քարվաճառում հայտարարել է Ադրբեջանի նախագահ Իլհամ Ալիևը:
«Մենք հասել ենք ցանկալիին, Մինսկի խումբն արդեն վերջին օրերն է ապրում։ Գործնականում այն անգործունյա էր, և չէր էլ կարող գործել։ Սակայն իրավաբանորեն գոյություն ուներ, և հիմա նրա վերջը մոտենում է»,- ասել է Ալիևը։
Անդրադառնալով խաղաղության համաձայնագրին՝ նա նշել է, որ Հայաստանի հետ միայն այդ փաստաթղթի հեղինակներն են, և ադրբեջանական կողմի դիրքորոշումը «միշտ հիմք է հանդիսացել այդ դրույթները մշակելիս»։
«Այս փաստաթղթի նախաստորագրումը փաստացի վերջ է դնում Ադրբեջանի և Հայաստանի միջև առճակատմանը։ Դրան զուգահեռ՝ ապահովվել է մեր պատմական շրջանի՝ Նախիջևանի հետ ցամաքային կապը»,- հավելել է նա։
