08.11.2026 | 11:13
FT. ԱՄՆ Կոնգրեսի դեմոկրատները Ուկրաինային 15 մլրդ դոլարի օգնության փաթեթ են պատրաստում
Զելենսկին՝ անվտանգության երաշխիքների դիմաց ՆԱՏՕ-ից հրաժարվելու մասին
Քաղաքականություն
21.08.2025 | 12:43
ՆԱՏՕ-ին Ուկրաինայի անդամակցության հարցում ԱՄՆ քաղաքականությունը չի փոխվել. Վաշինգտոնը Հյուսիսատլանտյան դաշինքին Կիևի միացում չի ծրագրում, սակայն աջակցում է ԵՄ-ին Ուկրաինայի ինտեգրմանը։ Այս մասին լրագրողների հետ հանդիպմանն ասել է Ուկրաինայի նախագահ Վլադիմիր Զելենսկին, փոխխանցում է ՌԲԿ Ուկրաինան։
Լրագրողների հարցին՝ ինչպե՞ս է գնահատում անվտանգության երաշխիքները, որոնք նման են ՆԱՏՕ-ի 5-րդ հոդվածով նախատեսվածին, և արդյո՞ք Ուկրաինան պատրաստ է հրաժարվել Դաշինքին անդամակցությունից նման երաշխիքների դիմաց, Զելենսկին պատասխանել է, որ ԱՄՆ քաղաքականությունն այս հարցում չի փոխվել։
«ԱՄՆ քաղաքականությունն է՝ Ուկրաինային չընդունել ՆԱՏՕ։ Դա այդպես էր նաև նախագահ Թրամփից առաջ։ Այս հարցում նորություն չկա, նրանք հստակ են այս հարցում։ Եվ նրանք հստակ են, որ աջակցում են Եվրամիությանն Ուկրաինայի միանալուն։ Այդ պատճառով նրանք ասում են՝ 5-րդ հոդվածին նման, բայց դա պետք է լինի ուժեղ որոշում։ Եթե ԱՄՆ-ից ուժեղ երաշխիքներ կան, ապա դրանք աշխատում են»,- նշել է Ուկրաինայի նախագահը։
Նա նաև ընդգծել է, որ ՆԱՏՕ-ի գլխավոր քարտուղարի ազդանշանը հստակ է՝ Ռուսաստանն իրավունք չունի վետո դնել Դաշինքին Ուկրաինայի անդամակցությանը։
«Սա դաշնակիցների որոշումն է, և մենք ունենք ընդհանուր տեսլական»,- ամփոփել է Զելենսկին։
Հիշեցենք, որ 2022 թվականի աշնանը Ուկրաինան պաշտոնապես դիմեց ՆԱՏՕ-ին արագացված անդամակցության համար։ Դաշինքից նշեցին, որ Կիևն անդամակցության հեռանկար ունի, բայց պատերազմի ժամանակ այդ գործընթացն անհնար է։
ԱՄՆ նախագահ Դոնալդ Թրամփը, մինչդեռ, դեմ է արտահայտվել Դաշինքին Ուկրաինայի միանալուն, իսկ Պենտագոնի ղեկավար Փիթ Հեգսեթը նման հեռանկարն անհավանական է անվանել։
