20.08.2026 | 20:22
Վարդենիսում մի կին ասաց, որ իր կյանքի առաջին 15 հազարն է աշխատել, հուզվել էի․ Լիանա Մանուկյան. ՏԵՍԱՆՅՈՒԹ
Վարչապետ Փաշինյանն ընդունել է Ալեքսեյ Օվերչուկին
Քաղաքականություն
20.08.2025 | 16:34
Վարչապետ Նիկոլ Փաշինյանն ընդունել է Ռուսաստանի Դաշնության փոխվարչապետ Ալեքսեյ Օվերչուկին։
Ինչպես տեղեկացնում են ՀՀ վարչապետի աշխատակազմից, հանդիպման ընթացքում քննարկվել են Հայաստան–Ռուսաստան երկկողմ օրակարգին վերաբերելի հարցեր։ Զրուցակիցներն անդրադարձել են Եվրասիական տնտեսական միության շրջանակներում համագործակցության ընթացիկ թեմաների։
Անդրադարձ է կատարվել առևտրաշրջանառության ծավալների դինամիկային, ինչպես նաև համատեղ ծրագրերի իրագործման ընթացքին։
Կողմերը մտքեր են փոխանակել նաև երկուստեք հետաքրքրություն ներկայացնող այլ հարցերի շուրջ։
Ավելի վաղ հայտնել էինք՝ Օվերչուկը Երևան կժամանի։
«Ես հաջորդ շաբաթ մեկնում եմ Երևան։ Ուղևորությունը նախապես էր ծրագրված, դրա շուրջ համաձայնություն է ձեռք բերվել Ալթայում կայացած հանդիպման ժամանակ։ Այցը կապված է այն բանի հետ, որ Հայաստանի նորմատիվ իրավական կարգավորումներում հայտնվել է նորմատիվ իրավական ակտ՝ Հայաստանի կառավարության որոշում, որը, մեր կարծիքով, հակասում է Եվրասիական տնտեսական միության օրենսդրությանը»,- ասել էր Օվերչուկը։
