«Հրապարակ» թերթը գրում է․ «Այս կիրակի Ապարանում հերթական՝ 1718-րդ խաչն է տեղադրվելու, որն ամեն տարի կազմակերպում է ապարանյան կլանի պարագլուխ Աղվան Հովսեփյանը։ Այս տարի խաչքավորը լինելու է «Դվին» հյուրանոցի սեփականատեր՝ Ղրիմում ՀՀ պատվավոր հյուպատոս, գործարար Արտակ Թովմասյանը՝ Ղրիմի Արտակը։ Հիշեցնենք, որ Ֆրանկոֆոնիայի գագաթնաժողովի պետական ընթրիքը վարչապետը հրավիրեց կիսակառույց «Դվինի» ռեստորանում․ գրեթե շուրջօրյա ռեժիմով բանվորներն աշխատել էին, որ ռեստորանային հատվածն ավարտին հասցնեն։ Թե ինչով է բացատրվում այս գործարարի ակտիվությունը, եւ նոր իշխանությունների հետ ինչ կապեր ունի նա, կպարզենք առաջիկայում։ Ի դեպ, խաչատեղադրման միջոցառմանը, ավանդույթի ուժով, հրավիրվելու են ամենատարբեր շրջանակներից՝ մարզպետներ, քաղաքապետեր, պատգամավորներ։ Այլ բան է՝ այս տարի կգա՞ն, թե՞ ոչ»։
Առավել մանրամասն՝ թերթի այսօրվա համարում:
