25.06.2026 | 10:18
NYMEX. Թանկարժեք մետաղների գները նվազել են
Պուտինի ինքնաթիռը վայրէջք է կատարել Ալյասկայում
Քաղաքականություն
15.08.2025 | 22:03
Մագադանից թռչող ռուսական Տու-214-ը, ըստ Flightradar ծառայության, վայրէջք է կատարել «Էլմենդորֆ-Ռիչարդսոն» ռազմաբազայում: Վայրէջքին ուղիղ եթերում հետևել է 470 հազար մարդ։
Վլադիմիր Պուտինը, ենթադրաբար, ինքնաթիռում է։ Թրամփի և Պուտինի հանդիպումը նախատեսված է Հայաստանի ժամանակով 23:00-ին:
Կրեմլում ասել են, որ այն կտևի 6-7 ժամ։ Միևնույն ժամանակ Թրամփը հայտարարել է, որ եթե հանդիպումը «լավ չանցնի», ապա արագ կվերադառնա տուն:
Ավելի վաղ Սպիտակ տունը հայտնել էր, որ Ալյասկա են մեկնել ԱՄՆ պետքարտուղարը, մի քանի նախարարներ և ԿՀՎ տնօրենը։ Ամերիկյան պատվիրակության կազմում են, մասնավորապես, պետքարտուղար Մարկո Ռուբիոն, Պենտագոնի ղեկավար Փիթ Հեգսեթը, ֆինանսների նախարար Սքոթ Բեսենթը, առևտրի նախարար Հովարդ Լուտնիկը, ԿՀՎ տնօրեն Ջոն Ռեթքլիֆը, ԱՄՆ նախագահի հատուկ բանագնաց Սթիվ Ուիթկոֆը, Սպիտակ տան խոսնակ Քերոլայն Լևիթը։
