15.07.2026 | 13:45
Իրանը հայտնում է, որ ԱՄՆ հարվածների հետևանքով 7 զինծառայող և առնվազն 30 քաղաքացիական անձ է զոհվել
Եթե Ալյասկայում հանդիպումը լավ անցնի, մենք հանդիպում կունենանք Պուտինի և Զելենսկու հետ. Թրամփ
Քաղաքականություն
13.08.2025 | 23:08
ԱՄՆ նախագահ Դոնալդ Թրամփը հայտարարել է Ռուսաստանի և Ուկրաինայի նախագահների մասնակցությամբ եռակողմ հանդիպում անցկացնելու ցանկության մասին, եթե Ալյասկայում Պուտինի հետ գագաթնաժողովը հաջող անցնի։
«Եթե առաջին հանդիպումը լավ անցնի, ապա մենք կունենանք երկրորդ հանդիպում։ Ես կցանկանայի այն անցկացնել գրեթե անմիջապես: Մենք արագ երկրորդ հանդիպում կունենանք նախագահ Պուտինի և նախագահ Զելենսկու և իմ միջև, եթե նրանք ցանկանան, որ ես այնտեղ լինեմ»,- BBC-ի ռուսական ծառայության փոխանցմամբ՝ ասել է Թրամփը մամուլի ասուլիսում:
Սակայն եթե Ալյասկայում Պուտինի հետ հանդիպման ժամանակ Թրամփը չստանա իրեն անհրաժեշտ պատասխանները, ապա երկրորդ հանդիպումն էլ չի կայանա։
Ավելի վաղ CBS հեռուստաալիքը, հղում անելով իր աղբյուրներին, հայտնել էր, որ ԱՄՆ-ն արդեն հարթակ է փնտրում եռակողմ հանդիպման անցկացման համար, որը կարող է տեղի ունենալ հաջորդ շաբաթվա վերջին, սակայն դա պաշտոնապես չի հաստատվել:
Թրամփը նաև մեկնաբանել է այսօր կայացած առցանց գագաթնաժողովը՝ եվրոպական առաջնորդների և Վլադիմիր Զելենսկու մասնակցությամբ, և ասել է, որ «շատ լավ զրույց է ունեցել»:
