17.02.2026 | 18:51
Ունեմ համոզմունք, որ գործընթացը գնալու է ՀԷՑ-ը պետության գերակա շահ ճանաչելու տարբերակով․ Դավիթ Ղազինյան
Ուկրաինան և Ռուսաստանը կրկին գերիների են փոխանակել
Քաղաքականություն
14.08.2025 | 16:46
Ուկրաինայի և Ռուսաստանի միջև տեղի է ունեցել գերիների ևս մեկ փոխանակում։ Այն տեղի է ունեցել ԱՄՆ նախագահ Դոնալդ Թրամփի և ՌԴ նախագահ Վլադիմիր Պուտինի՝ Ալյասկայում կայանալիք հանդիպման ֆոնին, գրում է ՌԲԿ-Ուկրաինան։
Ուկրաինայի նախագահ Վլադիմիր Զելենսկին նշել է, որ այս անգամ տուն է վերադարձել 84 մարդ։
«Նրանք և՛ զինվորականներ են, և՛ քաղաքացիական անձինք։ Գրեթե բոլորը բժշկական օգնության և զգալի վերականգնողական բուժման կարիք ունեն»,- նշել է նա։
Ըստ Զելենսկիի՝ այսօր ազատ արձակված քաղաքացիական անձանց թվում են 2014, 2016 և 2017 թվականներից գերեվարվածներ։ Գերությունից ազատվել է տասը սպա։
«Այսօր ազատ արձակված զինվորականների թվում են Մարիուպոլի պաշտպանները։ Ես շնորհակալ եմ բոլոր նրանց, ովքեր օգնում են մեզ շարունակել ազատ արձակել ուկրաինացի գերիներին»,- նշել է նա։
Գերիների փոխանակման կազմակերպմանը մասնակցել է Արաբական Միացյալ Էմիրությունները։
