29.04.2026 | 16:51
Ուզո՞ւմ եք նույն ոճով պատասխանեմ Ձեզ, ոնց Դուք եք վիրավորում. դատախազը` Գեղամ Մանուկյանին․ ՏԵՍԱՆՅՈՒԹ
Օրենքի ուժով ՀՀ վերաքննիչ քաղաքացիական դատարանի ու Վերաքննիչ քրեական դատարանի նախագահի պաշտոնակատարներ են նշանակվել
Հասարակություն
11.08.2025 | 16:39
Օրենքի ուժով ՀՀ վերաքննիչ քաղաքացիական դատարանի նախագահի պաշտոնակատար է նշանակվել Լևոն Գրիգորյանը, իսկ Վերաքննիչ քրեական դատարանի նախագահի պաշտոնակատար՝ Սևակ Համբարձումյանը․ այս մասին հաղորդագրություն է տարածել ԲԴԽ մամուլի խոսնակ՝ Ծովինար Խաչատրյանը։
«Օրենքով սահմանված է, որ տվյալ դատարանի նախագահի պաշտոնի թափուր մնալու դեպքում դատարանի ամենափորձառու (կամ փորձառության հավասարության դեպքում՝ տարիքով ավագ) դատավորը կատարում է նախագահի պարտականությունները մինչև նոր նախագահի ընտրությունը։
Վերաքննիչ դատարանների նախագահի թափուր պաշտոնի համար Բարձրագույն դատական խորհուրդը իրավական նորմերին ու օրակարգին համապատասխան նախաձեռնում է նոր նախագահի ընտրության գործընթաց։
Նախագահի նոր ընտրության ենթադրյալ ժամկետ օրենքով հստակ որոշված չէ, սակայն գործընթացը մեկնարկում է անմիջապես պաշտոնի թափուր մնալուց հետո և ավարտվում է ինչպես թեկնածուների առաջադրման և ստուգման, այնպես էլ խորհրդի քվեարկության փուլերում, դատարանի բնականոն աշխատանքի շեղում թույլ չտալու նպատակով։
Այս ընթացքում վերոնշյալ պաշտոնակատարները լրիվ ծավալով իրականացնում են տվյալ դատարանի նախագահի գործառույթները»,- ասված է հաղորդագրությունում։
