17.02.2026 | 13:48
Անկարան դրական է վերաբերվում ՀՀ-ի հետ ուղիղ ցամաքային առևտրի զարգացմանը. Թուրքիայի ԱԳՆ-ն հայտնել է՝ երբ կսկսվի գործընթացը
ԱՄՆ-ը խոստացել է խորհրդակցել եվրոպացի գործընկերների հետ Թրամփ-Պուտին հանդիպումից առաջ․ Տուսկ
Քաղաքականություն
11.08.2025 | 16:30
Վաշինգտոնը խոստացել է խորհրդակցել իր եվրոպացի դաշնակիցների հետ ԱՄՆ և ՌԴ նախագահներ Դոնալդ Թրամփի և Վլադիմիր Պուտինի միջև օգոստոսի 15-ին նախանշված հանդիպումից առաջ, հայտարարել է Լեհաստանի վարչապետ Դոնալդ Տուսկը, հաղորդում է BBC-ի ռուսական ծառայությունը։
Նա, սակայն, չի մանրամասնել, թե ինչ մակարդակով են տեղի ունենալու այս խորհրդակցությունները։
Լեհաստանի վարչապետը նշել է, որ ինքը «շատ վախեր և մեծ հույսեր» ունի Թրամփ-Պուտինբանակցությունների վերաբերյալ։ Reuters-ի հաղորդմամբ՝ Տուսկը նաև կրկնել է, որ Ուկրաինայի և նրա տարածքների վերաբերյալ որոշումները չպետք է կայացվեն առանց Կիևի մասնակցության։
Ավելի վաղ Bloomberg-ը, հղում անելով տեղեկացված աղբյուրներին, հայտնել էր, որ եվրոպացի առաջնորդները ցանկանում են խոսել ԱՄՆ նախագահ Դոնալդ Թրամփի հետ՝ մինչև Պուտինի հետ նրա հանդիպումը։
Հաղորդվում է, որ ԵՄ արտաքին գործերի նախարարները և Ուկրաինայի արտաքին գործերի նախարար Անդրեյ Սիբիհան արտակարգ հանդիպում կանցկացնեն օգոստոսի 11-ին՝ Թրամփի և Պուտինի միջև հանդիպումից առաջ։
