09.08.2026 | 12:38
Հովիկ Աբրահամյանի որդին կալանավորվել է
ԱԺ հանձնաժողովն ընդունեց Ընտրական օրենսգրքում Կառավարության ներկայացրած փոփոխությունները
Քաղաքականություն
19.10.2018 | 17:24
ԱԺ պետաիրավական և մարդու իրավունքների պաշտպանության հարցերի մշտական հանձնաժողովում այսօր քննարկվեց Ընտրական օրենսգրքում փոփոխություններ կատարելու մասին ՀՀ կառավարության ներկայացրած նախագիծը։
ՀՀ արդարադատության նախարար Արտակ Զեյնալյանը նշեց, որ ընտրական օրենսդրության բարեփոխումների կարևորագույն նպատակն է Հայաստանում ժողովրդավարական ընտրական ինստիտուտի կայացումը և Սահմանադրությամբ երաշխավորված ընտրական իրավունքի ապահովումը: Արտակ Զեյնալյանը հավաստիացրեց նաև, որ Կառավարությունը պատրաստ է համագործակցել խորհրդարանի հետ:
Աշխատանքային քննարկումների արդյունքում Կառավարության ներկայացուցչի համար ընդունելի համարվեցին ֆիքսված տեսանկարահանման և 4-րդ ուժի համար նվազագույնը 2% շեմ սահմանելուն վերաբերող առաջարկները, որոնք ներկայացրին հանձնաժողովի աշխատանքներին մասնակցող պատգամավորները:
Ընդունվեց նաև ՀՀ ԱԺ պատգամավոր Խոսրով Հարությունյանի՝ կուսակցությունների և կուսակցությունների դաշինքների կողմից ներկայացվող կառուցվածքի և կազմի հրապարակմանը վերաբերող առաջարկը, որն ուժի մեջ կմտնի 2021 թվականից:
Օրենսդրական փաթեթն արժանացավ հանձնաժողովի դրական եզրակացությանը:
