17.02.2026 | 21:56
Հայաստանում Եվրամիության դիտորդական առաքելությունը նոր ղեկավար ունի
Օտարերկրացին Ստամբուլում փորձել է հրկիզել Սուրբ Սոֆիան. ՏԵՍԱՆՅՈՒԹ
Քաղաքականություն
05.08.2025 | 16:08
Ստամբուլում փորձել են հրդեհել մզկիթի վերածված Սուրբ Սոֆիայի տաճարը, ուր ամեն օր հազարավոր տեղացի և օտարերկրյա զբոսաշրջիկներ են այցելում։
Թուրքական լրատվամիջոցների հաղորդմամբ՝ կասկածյալը երեկոյան ժամանել է մզկիթ, մտել սյուների հիմքում գտնվող ամբիոնների հետևը և հրկիզել թղթեր։ Երբ կասկածյալը հեռացել է դեպքի վայրից, մի կին այցելու նկատել է կայծերը և միջադեպի մասին հայտնել մզկիթի իմամին։
Իմամը հեռացրել է պաշտպանիչ պատնեշը, բռնկված գորգը հեռացվել է, հրդեհը վերահսկողության տակ է վերցվել։
Կարմիր գլխարկով ու սև շապիկով կասկածյալը ֆիքսվել է տեսախցիկների կողմից։ Ենթադրվում է, որ նա օտարերկրյա քաղաքացի է։
Սուրբ Սոֆիայում հրդեհի փորձից հետո անվտանգությունը խստացվել է։ Ոստիկանությունը միջադեպի հետաքննություն է սկսել։
Թարգմանությունը՝ Էմմա Չոբանյանի
