06.10.2026 | 10:07
Եղիշե Մելիքյանը՝ Չեռնոգորիայի հավաքականի հետ ոչ-ոքիի մասին. ՏԵՍԱՆՅՈՒԹ
Կրեմլում չեն բացառել այս շաբաթ Պուտինի և Թրամփի բանագնացի հանդիպումը
Քաղաքականություն
04.08.2025 | 14:41
Կրեմլը չի բացառում հնարավորությունը, որ այս շաբաթ տեղի կունենա Ռուսաստանի նախագահ Վլադիմիր Պուտինի և ԱՄՆ նախագահի հատուկ ներկայացուցիչ Սթիվ Ուիթկոֆի հանդիպումը, գրում է Ինտերֆաքսը։
«Մենք չենք բացառում նման հանդիպման անցկացման հնարավորությունը»,- ասել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով հանդիպման հավանականության մասին հարցը։
Պեսկովը, սակայն, չի մանրամասնել, թե ում նախաձեռնությունն է դա։
«Մենք միշտ ուրախ ենք տեսնել պարոն Ուիթկոֆին Մոսկվայում և միշտ ուրախ ենք շփումներ ունենալ նրա հետ։ Մենք դա համարում ենք կարևոր, իմաստալից և շատ օգտակար։ Երկխոսությունը շարունակվում է։ Միացյալ Նահանգները շարունակում է ջանքերը՝ միջնորդելու ուկրաինական հարցի լուծման ուղիների որոնման գործում։ Այդ ջանքերը շատ կարևոր են, այդ թվում՝ ռուս-ուկրաինական ուղիղ բանակցությունների ընթացիկ գործընթացի համատեքստում։ Աշխատանքը շարունակվում է, մենք պահպանում ենք մեր հավատարմությունը այն գաղափարին, որ մեզ համար ուկրաինական խնդրի նախընտրելի լուծումը քաղաքական և դիվանագիտական միջոցներն են», – ընդգծել է Կրեմլի խոսնակը։
Հիշեցնենք, որ ավելի վաղ Թրամփը հայտարարել էր, որ իր հատուկ բանագնաց Ուիթկոֆն օգոստոստի 6-ին կամ 7-ին ՌԴ կայցելի։
Թարգմանությունը՝ Էմմա Չոբանյանի
