06.11.2026 | 01:59
Եվրոպա լիգա. «Արարատ-Արմենիան» ցավալի պարտություն կրեց Պորտուգալիայում. ՏԵՍԱՆՅՈՒԹ
Թրամփը հայտարարել է, որ իր հատուկ բանագնաց Ուիթկոֆն օգոստոստի 6-ին կամ 7-ին ՌԴ կայցելի
Քաղաքականություն
04.08.2025 | 11:16
ԱՄՆ նախագահ Դոնալդ Թրամփի հատուկ ներկայացուցիչ Սթիվ Ուիթկոֆը օգոստոսի 6-ին կամ 7-ին Մոսկվա կայցելի՝ Ռուսաստանի ղեկավարության հետ բանակցություններ վարելու։ Այս մասին նախօրեին լրագրողներին հայտնել է ԱՄՆ նախագահ Դոնալդ Թրամփը, փոխանցում է DW-ի ռուսական ծառայությունը։
Թրամփի խոսքով՝ Ուիթկոֆն այժմ կենտրոնացած է Գազայի հատվածի խնդիրերի վրա։
«Հնարավոր է՝ նա կմեկնի Ռուսաստան, կարծում եմ՝ չորեքշաբթի կամ հինգշաբթի։ Նրանք կցանկանային տեսնել նրան, նրանք հրավիրել են հանդիպման։ Այնպես որ՝ տեսնենք, թե դրանից ինչ կլինի»,- ասել է Թրամփը։
Հարցին՝ ի՞նչ կլինի, եթե Ռուսաստանը հրաժարվի խաղաղություն հաստատել Ուկրաինայում, Թրամփը պատասխանել է. «Պատժամիջոցներ կլինեն։ Բայց նրանք հնարամիտ են և բավականին լավ է հաջողվում շրջանցել պատժամիջոցները»։
ԱՄՆ նախագահի խոսքով՝ պատժամիջոցներից խուսափելու համար Մոսկվան պետք է «գործարք կնքի, որպեսզի մարդիկ դադարեն մահանալ»։
Ուիթկոֆի՝ Ռուսաստան կատարելիք այցի մասին Թրամփը հայտնել էր հուլիսի 31-ին, սակայն կոնկրետ ամսաթիվ չէր նշել։ Ուիթկոֆը և ՌԴ նախագահ Վլադիմիր Պուտինը մինչ այս Ռուսաստանում բանակցություններ անցկացրել են փետրվարի 11-ին, մարտի 13-ին, ապրիլի 11-ին և ապրիլի 25-ին։
Միաժամանակ, Դոնալդ Թրամփը հուլիսի վերջին Մոսկվային տվել էր 10-օրյա ժամկետ՝ մինչև օգոստոսի 8-ը, որի ընթացքում ռուսական բանակը պետք է դադարեցնի ռազմական գործողությունները Ուկրաինայում: Հակառակ դեպքում, Թրամփը սպառնացել է պատժամիջոցներ կիրառել և այլ միջոցներ ձեռնարկել Ռուսաստանի դեմ:
Թարգմանությունը՝ Էմմա Չոբանյանի
