06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
«Ավինյանն ասաց՝ վա՜յ, ժողովուրդ, ստեղ ո՞նց եք ապրում»․ կյանքը՝ փլուզման վտանգի առաջ կանգնած շենքում. ՏԵՍԱՆՅՈՒԹ
Հասարակություն
04.08.2025 | 16:45
Դեռ վարդաշենցիների ականջներում է Տիգրան Ավինյանի խոստումը 6-րդ փողոցի փլուզվող այս շենքից իրենց հանելու վերաբերյալ։
2023 թվականին 4-րդ կարգի վթարային շենքի բնակիչներն ասում են՝ հավատացել են Տիգրան Ավինյանի նախընտրական խոստումներին և մեկ մարդու նման քաղաքապետ են ընտրել նրան, սակայն երկու տարի անց էլ շարունակում են ապրել վտանգավոր շենքում։ Փլուզումների բնակիչներն ամեն օր են ականատես լինում։
Բնակիչներն ասում են՝ շենքը շահագործման է հանձնվել 1970 թվականին, 2020-ին արդեն չորրորդ կարգի վթարայնության եզրակացություն է տրվել։ Բնակիչները պարբերաբար բողոքի ակցիաներ են կազմակերպում Կառավարության և Երևանի քաղաքապետարանի շենքերի մոտ՝ իրենց խնդիրը լսելի դարձնելու համար։
Չնայած բնակիչների դժգոհություններին՝ Երևանի քաղաքապետարանից հայտնում են, որ խնդրի կարգավորման գործընթաց է մեկնարկել։
Երևանի քաղաքապետարանի աշխատակազմի անշարժ գույքի կառավարման վարչության պետի տեղակալ Երվանդ Պողոսյանը Factor TV-ին փոխանցեց, որ Կառավարությունում քննարկումների արդյունքում որոշել են հավաքագրել շենքում բնակվողների, նրանց սեփականության վերաբերյալ տվյալները՝ փոխհատուցման նախագիծ պատրաստելու համար։ Պողոսյանի փոխանցմամբ՝ տարածքը ճանաչվելու է իրացման գոտի։
Թե փոխհատուցման գործընթացը երբ տեղի կունենա, քաղաքապետարանի պաշտոնյան դժվարացավ պատասխանել։ Այս փուլում բնակիչները դեռ հավաքում են պահանջվող տեղեկությունները՝ Կառավարություն ներկայացնելու համար։
Մանրամասներրը՝ տեսանյութում։
Նարեկ Կիրակոսյան
