08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Բաքվում Թուրքիայի դեսպանը հայտնել է, թե ինչ պայմանների դեպքում կբացվի ՀՀ-Թուրքիա սահմանը
Քաղաքականություն
31.07.2025 | 13:03
Թուրքիայի և Հայաստանի միջև սահմանը կարող է բացվել։ Այս մասին ադրբեջանական APA-ին տված հարցազրույցում հայտարարել է Ադրբեջանում Թուրքիայի արտակարգ և լիազոր դեսպան Բիրոլ Աքգյունը։
Դեսպանը նշել է, որ Ադրբեջանի և Հայաստանի, ինչպես նաև Թուրքիայի և Հայաստանի հարաբերությունների կարգավորման գործընթացները պետք է դիտարկվեն համալիր կերպով։
«Երկու կարգավորման գործընթացներն էլ զուգահեռ են ընթանում։ 2022 թվականին նշանակվել են Թուրքիայի և Հայաստանի միջև կարգավորման գործընթացի հատուկ ներկայացուցիչներ։ Հայտնի է, որ Թուրքիայի և Հայաստանի սահմանը փակ է 1993 թվականից՝ ադրբեջանական տարածքների օկուպացիայի պատճառով։ Հայաստանը դեպի ծով ելք չունի, և դրանից ամենաշատը տուժում է հայ ժողովուրդը։ Հայաստանն արևելքից և արևմուտքից սահմանակից է Ադրբեջանին ու Թուրքիային, և այդ սահմանները փակ են։ Բոլորը կշահեն այս խաղաղությունից, բայց ամենաշատը կշահի Հայաստանը։ Մենք ցանկանում ենք արագացնել կարգավորման գործընթացը»,- ասել է նա։
Թուրք դիվանագետը խոսել է նաև սահմանի բացման համար Անկարայի պայմանների մասին։
«Եթե կայուն խաղաղության համաձայնագիր ստորագրվի կամ նախաստորագրվի և «Զանգեզուրի միջանցքի» վերաբերյալ պայմաններն իրականացվեն, թուրք-հայկական սահմանը կարող է բացվել՝ Անկարայի և Բաքվի միջև խորհրդակցությունների արդյունքում։ Դա կախված կլինի նրանից, թե ինչպես կզարգանա հարաբերությունների կարգավորման գործընթացը»,-հայտարարել է Թուրքիայի դեսպանը։
Թարգմանությունը՝ Էմմա Չոբանյանի
