24.06.2026 | 18:10
ՀԱՊԿ-ում կքննարկեն Հայաստանին հեռացնելու հարցը // Սեդա Սաֆարյանը կմասնակցի ՍԴ նիստին․ ԼՈՒՐԵՐ
ՌԴ ՊՆ-ն հայտնել է Դոնեցկի մարզի Չասով Յար քաղաքի գրավման մասին
Քաղաքականություն
31.07.2025 | 12:54
ՌԴ Պաշտպանության նախարարությունը հայտարարել է, որ Դոնեցկի մարզում ռուսական բանակը վերահսկողություն է հաստատել Չասով Յար քաղաքի նկատմամբ, գրում է Meduza-ն։
Ուկրաինայի զինված ուժերի գլխավոր շտաբը պաշտոնապես չի մեկնաբանել Չասով Յարի գրավման մասին ՌԴ ՊՆ հայտարարությունը։ Միաժամանակ, Ուկրաինայի ԶՈՒ ԳՇ-ին մոտ կանգնած OSINT նախագծի քարտեզի վրա Չասով Յար քաղաքից հարավ և արևմուտք գտնվող տարածքները նշված են որպես Ռուսաստանի կողմից չվերահսկվող տարածքներ։
Бахмутський Демон տելեգրամ ալիքը, որը վարում է ուկրաինացի զինծառայող, գրում է. «Ոչ մի լավ բան։ Բայց Չասիկի մի մասը դեռևս մերն է»։
Չասով Յարի վրա հարձակումը շարունակվում է ավելի քան մեկ տարի։ Հունվարին ռուսական զորքերը գրավել էին քաղաքում Ուկրաինայի զինված ուժերի հիմնական ամրացված տարածք հանդիսացող հրադիմացկուն գործարանի տարածքը և մարտեր մղել քաղաքի կենտրոնի համար։
Չասով Յարը գտնվում է Դոնեցկից մոտ 70 կիլոմետր հյուսիս և Կոնստանտինովկայից 15 կիլոմետր հեռավորության վրա, որը ռուսական հարձակման մեկ այլ ուղղություն է և շուտով կարող է հարձակման ենթարկվել երեք կողմից։
Թարգմանությունը՝ Էմմա Չոբանյանի
