02.05.2024 | 13:44
Վրաստանի արևմտյան հետագիծը վտանգի տակ է․ ԱՄՆ Պետքարտուղարություն
«Դու չես ամաչում, արի քու հետ մարջ գամ»․ Գ․ Ծառուկյանը նեղվեց լրագրողի հիշեցումից, որ ԲՀԿ-ն Փաշինյանին միացել է Սերժ Սարգսյանի հրաժարականից ժամեր առաջ. ՏԵՍԱՆՅՈՒԹ
Քաղաքականություն
18.10.2018 | 16:46
Այսօր Ավան վարչական շրջանում տեղի ունեցավ «Մայնինգ Ֆերմայի» բացման արարողությունը, որին մասնակցում էին Գագիկ Ծառուկյանն ու Նիկոլ Փաշինյանը։
Լրագրողների հետո զրույցում ԲՀԿ առաջնորդն անդրադարձավ վարչապետի այն հայտարարությանը, ըստ որի, հակահեղափոխական են այն ուժերը, որոնք Ազգային ժողովում հոկտեմբերի 2-ին կողմ են քվեարկել ԱԺ կանոնակարգ օրենքում փոփոխություններ անելու մասին նախագծին։
Ծառուկյանը նկատեց՝ այդ հարցը փակված է, քանի որ Նիկոլ Փաշինյանի հետ արդեն իսկ կա ստորագրված համաձայնագիր, որի շուրջ էլ շարունակելու են համատեղ աշխատանքը։
Գագիկ Ծառուկյանին հունից հանեց լրագրողի հարցը, թե ինչո՞ւ նա Նիկոլ Փաշինյանին չմիացավ այն ժամանակ, երբ վերջինս քայլերթ սկսեց Գյումրի քաղաքից։
«Դու չես ամաչում, արի քու հետ մարջ գամ»,- ասաց Ծառուկյանը՝ հերքելով, որ միացել է հեղափոխությանը Սերժ Սարգսյանի հրաժարականից ժամեր առաջ։
Մանրամասները՝ տեսանյութում։
