07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Ռուսական գնդակոծությունները Ուկրաինայում. երկու մարդ զոհվել է, 15-ը՝ վիրավորվել
Քաղաքականություն
27.07.2025 | 14:28
Ռուսական զորքերը կիրակի, հուլիսի 27-ի գիշերը գնդակոծել են Ուկրաինայի երեք մարզեր։ Դոնեցկի մարզային ռազմական վարչակազմի ղեկավար Վադիմ Ֆիլաշկինը Telegram-ում հայտնել է, որ վերջին մեկ օրում ռուսական գնդակոծությունների հետևանքով զոհվել են Դոնեցկի մարզի երկու բնակիչ՝ Կոնստանտինովկա և Միռնոգրադ քաղաքներում։ Երեք մարդ վիրավորվել է Կրիմկի և Սվետլոե գյուղերում, փոխանցում է DW-ն։
Խերսոնի մարզում վիրավորվել է ութ մարդ, այդ թվում՝ մեկ երեխա։ Վնասվել են երկու բազմահարկ շենք և 11 մասնավոր տուն, հայտնել է տեղի վարչակազմը։ Դնեպրոպետրովսկի մարզը ՌԴ զինված ուժերը ենթարկել են հրետանային գնդակոծման և հարվածային դրոնների հարձակման։ Այնտեղ վիրավորվել են չորս մարդ՝ երկու տղամարդ՝ 47 և 60 տարեկան, և երկու կին՝ 40 և 58 տարեկան, նշված է Դնեպրոպետրովսկի մարզային վարչակազմի հաղորդագրության մեջ։
Հուլիսի 27-ի գիշերը ռուսական զինված ուժերը Ուկրաինայի տարածքի վրա հարձակվել են 83 անօդաչու թռչող սարքով։
«Թշնամին կիրառել է 83 հարվածային «Շահեդ» տիպի ԲՊԼԱ և տարբեր տեսակի իմիտացիոն դրոններ»,-նշված է Ուկրաինայի Զինված ուժերի Օդուժի Telegram-ալիքում։ Նրանց տվյալներով, դրոնների արձակումները իրականացվել են Օրյոլից, Կուրսկից, Միլլերովոյից, Շատալովոյից, Պրիմորսկո-Ախտարսկից և Գվարդեյսկոյից՝ գրավյալ Ղրիմում։
Ըստ ամփոփագրի՝ ուկրաինական հակաօդային պաշտպանության ուժերը կարողացել են խոցել 78 դրոն՝ Ուկրաինայի հյուսիսում, հարավում, արևելքում և կենտրոնում։
«Գրանցվել է 5 դրոնի հարված երեք տեղանքում, ինչպես նաև խոցված դրոնների բեկորների անկում՝ երկու վայրերում»,-ասվում է Զինված ուժերի հաղորդագրության մեջ։
