18.12.2025 | 23:24
ՀՀ տարածքում ավտոճանապարհները հիմնականում անցանելի են
«Արևմուտքը մտադիր է իր ռելսերի վրա տեղափոխել Բաքվի ու Երևանի հաշտեցման գործընթացը»․ Զախարովա
Քաղաքականություն
24.07.2025 | 14:18
Մենք բազմիցս կրկնել ենք՝ Ռուսաստանը շահագրգռված է անվտանգ, կայուն, խաղաղ և բարգավաճ Հարավային Կովկասով։ Եվ դրա համար անհրաժեշտ պայմաններից է երկար սպասված Բաքվի ու Երևանի հաշտեցումը։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ հավելելով, որ «ՌԴ-ն դրա համար շատ բան է արել»։
Զախարովան հավելել է՝ ՌԴ-ի, անձամբ նախագահ Վլադիմիր Պուտինի միջնորդությամբ 2020 թվականին հայ-ադրբեջանական կարգավորման մեծ փուլ է եղել, բոլոր ռազմակավարական ուղղություններով ճանապարհային քարտեզ է մշակվել, որը ներառում է խաղաղության պայմանագրի համաձայնեցումը, տրապորտային ու տնտեսական հաղորդակցությունների ապաշրջափակումը, սահմանի դեմարկացիան ու դելիմիտացիան, քաղաքացիական հասարակության միջև շփումները։
«Որոշակի պահի Հայաստանն ու Ադրբեջանը նախընտրեցին ուղիղ երկկողմ երկխոսությունը։ Մենք հարգում ենք նման ընտրությունը»,- ասել է նա։
Ինչ վերաբերում է Արևմուտքի ներգրավվածությանը, ըստ ռուսաստանցի պաշտոնյայի՝ տեղեկատվությունը, որ ստանում են, կասկած չի թողնում Արևմուտքի իրական նկատակների մասին։
«Հերթական բարի նպատակների տակ թաքնված է կոնյուկտորային առաջադրանք՝ հայ-ադրբեջանական կարգավորումը դուրս բերել տարածաշրջանային չափումներից, երբ երկու երկրները փորձում են հասնել կոնսենսուային որոշման՝ մերձավոր հարևանների աջակցությամբ, որոնք նպաստել են նրանց հաշտեցմանը՝ ՌԴ-ն, Իրանը, Թուրքիան։ Արևմուտքը մտադիր է իր ռելսերի վրա տեղափոխել Բաքվի ու Երևանի հաշտեցման գործընթացը, և դա կարող է բերել տարածաշրջանային ինքնաբավության խաթարման»,- հայտարարել է Զախարովան։
Ըստ նրա՝ Մոսկվան տեսնում է Վաշինգտոնի ջանքերը՝ միջամտել տարաշրջանում տրանպորտային շրջափակման վերացմանը։ Ամերկացիները, Զախարովայի խոսքով, ասում են, որ ունեն յուրահատուկ լուծում, բայց դա այն է, ինչ արվել է Հայաստանի, Ադրբեջանի, ՌԴ-ի փոխվարչապետների եռակողմ խմբի շրջանակում։ Զախարովան նաև հայտարարել է, թե Արևմուտքի ապակառուցողական ազդեցության, Հայաստանի իշխանությունների դիրոքորոշման պատճառով աշխատանքը խմբում դադարել է։
Թարգմանությունը՝ Էմմա Չոբանյանի
