07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
ՌԴ-ում Ան-24 ինքնաթիռ է կործանվել, որում 50 մարդ է եղել․ բոլորը զոհվել են
Քաղաքականություն
24.07.2025 | 11:39
ՌԴ-ում հուլիսի 24-ին անհետացած Ան-24 ուղևորատար ինքնաթիռի մնացորդները հայտնաբերվել են Ամուրի մարզի Տինդա քաղաքից 15 կիլոմետր հեռավորության վրա։ Այս մասին հաղորդում է Ինտերֆաքսը՝ հղում անելով արտակարգ ծառայություններին, փոխանցում է Meduza-ն։
Արտակարգ իրավիճակների նախարարությունը հայտնել է, որ «Ռոսավիացիայի Մի-8 ուղղաթիռը հայտնաբերել է ինքնաթիռի այրվող ֆյուզելյաժը»։
Փրկարարական ուղղաթիռը չի կարողացել վայրէջք կատարել Ան-24-ի վթարի վայրում. փրկարարները աղետի վայր են հասնում ոտքով, հաղորդում է Shot տելեգրամ ալիքը։
«Անգարա» ավիաընկերության ինքնաթիռը Խաբարովսկ-Բլագովեշչենսկ-Տինդա չվերթն էր իրականացնում։ Տինդայում այն առաջին փորձից չի կարողացել վայրէջք կատարել և շրջադարձ է կատարել, ինչից հետո կապի կորել է։
Ռուսաստանի իշխանական տարբեր աղբյուրների համաձայն՝ ինքնաթիռում եղել է 46-ից 49 մարդ։
Նախնական տվյալներով՝ կործանված Ան-24 ինքնաթիռում գտնվող բոլոր անձինք զոհվել են, ՏԱՍՍ-ին հայտնել են արտակարգ իրավիճակների ծառայություններից։
«Նախնական տեղեկությունների համաձայն՝ բոլորը զոհվել են։ Մինչ այժմ փրկարարներով ուղղաթիռը չի կարողանում վայրէջք կատարել վթարի վայրում, դա դժվարամատչելի տարածք է, լեռան լանջ»,- ասել է գործակալության զրուցակիցը։
Նա հայտնել է նաև դեպքի վայրում հրդեհի մասին։
Թարգմանությունը՝ Էմմա Չոբանյանի
