06.10.2026 | 11:27
Ռուսական զորքերը հարվածել են Զապորոժիեում Դնեպր գետի վրայով անցնող կամուրջներից մեկին․ 5 մարդ տուժել է
Սաուդյան Արաբիայի արքայազն Ալ-Վալիդը մահացել է 20 տարի կոմայի մեջ գտնվելուց հետո
Քաղաքականություն
20.07.2025 | 12:35
Սաուդյան Արաբիայի թագավորական ընտանիքի անդամ արքայազն Ալ-Վալիդ բեն Խալիդ բեն Թալալ բեն Աբդել Ազիզ Ալ Սաուդը մահացել է 35 տարեկան հասակում, հաղորդում է The National պարբերականը հղում անելով նրա ընտանիքի հայտարարությանը։ Հուղարկավորությունը նախատեսված է հուլիսի 20-ին։
Արքայազն Ալ-Վալիդը, որը հայտնի էր որպես Սաուդյան Արաբիայի «քնող արքայազն», կոմայի մեջ էր գտնվում 2005 թվականից՝ ճանապարհատրանսպորտային պատահարի հետևանքով հիվանդանոց տեղափոխվելուց հետո։ Ինչպես նշում է աղբյուրը, նա համարվում էր «հույսի և տոկունության խորհրդանիշ»։
Նրա ընտանիքի անդամները տարիներ շարունակ հրապարակում էին արքայազնի լուսանկարներն ու տեսանյութերը՝ նրան կյանքի պահպանման սարքերին միացված վիճակում։ Մի նկարում նա ծածկված էր Սաուդյան Արաբիայի դրոշով՝ «Մեր երկիրը մեր սրտերում է» գրությամբ։ Հինգ տարի առաջ ընտանիքը տարածել էր մի տեսանյութ, որտեղ նկատվում էին արքայազնի մատների շարժումները։
Ալ-Վալիդը արքայազն Խալիդ բեն Թալալի առաջնեկն էր և Սաուդյան Արաբիայի հիմնադիր և առաջին թագավոր Աբդել Ազիզի ծոռնիկը։
