07.09.2026 | 23:10
Կաբարդինո-Բալկարիայում ձնահյուսի հետևանքով 11 լեռնագնաց է զոհվել
Թրամփը Զելենսկիին ասել է, որ Կիևը չի փոխի պատերազմի ընթացքը՝ մնալով պաշտպանությունում, պետք է անցնել հարձակման․ WP
Քաղաքականություն
18.07.2025 | 20:36
ԱՄՆ նախագահ Դոնալդ Թրամփը հուլիսի 4-ի հեռախոսազրույցի ժամանակ Ուկրաինայի նախագահ Վլադիմիր Զելենսկիին ասել է, որ Ուկրաինան չի կարող փոխել պատերազմի ընթացքը՝ մնալով պաշտպանությունում, և պետք է հարձակման գնալ։ Այս մասին գրում է Washington Post-ը՝ հղում անելով ուկրաինացի պաշտոնյային, փոխանցում է BBC-ի ռուսական ծառայությունը։
Հրապարակման համաձայն՝ Թրամփի հարցին՝ արդյո՞ք Ուկրաինան կարող է ռմբակոծել Մոսկվան կամ Սանկտ Պետերբուրգը, Զելենսկին պատասխանել է. «Եթե մենք ունենանք անհրաժեշտ զենք, կարող ենք»։
Այս շաբաթվա սկզբին արևմտյան լրատվամիջոցներն արդեն գրել էին այս զրույցի մասին, թեև մի փոքր այլ տեսանկյունից։
Երբ Թրամփին հարցրել են այս հեռախոսազանգի մասին, նա պատասխանել է. «Ո՛չ։ Նա (Զելենսկին) չպետք է ռմբակոծի Մոսկվան»։ ԱՄՆ նախագահը հավելել է, որ մտադիր չէ Ուկրաինային մատակարարել Ռուսաստանի մայրաքաղաք հասնելու ունակ հեռահար զենքեր։
Սպիտակ տան մամուլի քարտուղար Քերոլայն Լևիթը նույնպես ասել է, որ Թրամփն իսկապես հարցրել է Ուկրաինայի՝ Ռուսաստանի տարածքին հարվածելու հնարավորությունների մասին, սակայն նրա խոսքերը հանվել են համատեքստից։ Նրա խոսքով՝ Թրամփը պարզապես տեղեկատվություն էր ուզում ստանալ և չէր խրախուսում նման գործողությունները։
Թարգմանությունը՝ Էմմա Չոբանյանի
