29.04.2026 | 13:19
Արման Ծառուկյանը հայտնել է՝ ինչու չի մասնակցելու Սպիտակ տան մրցաշարին
ԱՄՆ օրենսդիրները փորձում են արգելափակել Թուրքիայի վերադարձը F-35 ծրագրին
Քաղաքականություն
18.07.2025 | 16:03
ԱՄՆ Կոնգրեսում թափ է հավաքում երկկուսակցական նախաձեռնությունը, որը նպատակ ունի կանխել Թուրքիայի նկատմամբ CAATSA պատժամիջոցների վերացումը և F-35 կործանիչների ծրագրին վերադարձը, գրում է հունական Kathimerini-ին։
Ներկայացուցիչների պալատի անդամներ Քրիս Փափասի, Գաս Բիլիրակիսի, Նիկոլ Մալիոտակիսի և Դինա Տիտուսի հեղինակած նամակն է շրջանառվում, որի նպատակն է լայն աջակցություն ստանալ՝ նախքան պետքարտուղար Մարկո Ռուբիոյին ուղարկելը։
Այս ջանքերին աջակցում է Վաշինգտոնում ազդեցություն ունեցող կազմակերպությունների լայն կոալիցիա, այդ թվում՝ Ամերիկյան հրեական կոմիտեն (AJC), Ամերիկայի հայ ազգային կոմիտեն (ANCA), Քուրդիստանի ամերիկացի բարեկամները, Հելենա-ամերիկյան առաջնորդության խորհուրդը (HALC), CUFI գործողությունների հիմնադրամը, Մերձավոր Արևելքի ֆորումը և այլն։
Այս նախաձեռնությունը հաջորդում է Թուրքիայի նախագահ Ռեջեփ Թայիփ Էրդողանի՝ վերջերս ՆԱՏՕ-ի գագաթնաժողովում արված ելույթին, որտեղ նա հաստատել էր, որ ԱՄՆ-ի հետ սկսվել են տեխնիկական բանակցություններ F-35 ծրագրին վերադառնալու վերաբերյալ։
Նամակը կոչ է անում վարչակազմին կանխել այն, ինչը օրենսդիրները նկարագրում են որպես ԱՄՆ օրենսդրության և ազգային անվտանգության քաղաքականության շարունակական խախտումներ: Այն ընդգծում է 2017 թվականի CAATSA (Պատժամիջոցների միջոցով Ամերիկայի հակառակորդներին հակազդելու մասին օրենք) օրենքը, որը պարտադրում է պատժամիջոցներ Ռուսաստանի հետ խոշոր պաշտպանական գործարքներ իրականացնողների նկատմամբ։ Օրինակ, որպես այդպիսինէ դիտարկվումԹուրքիայի կողմից C-400 հրթիռային համակարգի ձեռքբերումը:
Թարգմանությունը՝ Էմմա Չոբանյանի
