10.12.2025 | 23:29
ԱՄՆ Կոնգրես է ներկայացվել 907 ուղղումն ամբողջությամբ չեղյալ համարելու մասին օրինագիծ
Ցուցակում գուցե լինեն գործիչներ, որոնք եղել են բարիկադների մյուս կողմում. Արարատ Միրզոյան. ՏԵՍԱՆՅՈՒԹ
Քաղաքականություն
17.10.2018 | 15:24
«Քաղաքացիական պայմանագիր» կուսակցությունը վարչության նիստերում քննարկում է արտահերթ ընտրություններում նախընտրական ցուցակի հարցը։ Ազգային ժողովում Factor.am-ի հարցին ի պատասխան՝ ասաց ՀՀ առաջին փոխվարչապետի պաշտոնակատար Արարատ Միրզոյանը։
«Բնականաբար ցուցակը չեմ հրապարակելու, բայց ցուցակը պետք է լինի իսկապես հեղափոխության քաղաքական թիմը, ՔՊ կորիզը` առաջնային շարքերում, իմ կարծիքով, կլինեն գործադիրում ընդգրկված անձինք, ասում եմ իմ կարծիքով, քանի որ վարչությունում դեռ չենք քննարկել այդ հարցը, և ենթադրյալ ԱԺ ղեկավարությունում կլինեն նաև մարդիկ, որոնք ՔՊ-ից չեն, այսինքն՝ բացի հեղափոխության ցուցակը լինելուց, պետք է լինի ներառական ցուցակ՝ ընդգրկի տարբեր ոլորտներում հայտնի գործիչների»,- հայտնեց Արարատ Միրզոյանը։
Առաջին փոխվարչապետի պաշտոնակատարի փոխանցմամբ՝ «Իմ քայլը» դաշինքի համամասնական ցուցակը պետք է առանձնանա տարբեր ոլորտներում աչքի ընկնող պրոֆեսիոնալ մասնագետների հագեցվածությամբ՝ հաշվի առնելով խորհրդարանական հանձնաժողովների, պատվիրակությունների պահանջարկը։ Հստակեցնող հարցին՝ ցուցակում կլինե՞ն մարդիկ, որոնք ժամանակին բարիկադների մյուս կողմում են եղել, Միրզոյանը չբացառեց. «Մենք չենք կարող մերժողական հասարակություն կառուցել՝ խոսելով այն մասին, որ ուզում ենք Հայաստանն ավելի լավը լինի։ Մենք ասել ենք, որ մեր ձեռքը մեկնած է, մենք չենք կարող մերժողական հասարակություն կառուցել՝ խոսելով այն մասին, որ ուզում ենք նոր Հայաստանն ավելի լավը լինի, մենք չենք վերացնում իրենց Հայաստանը և սարքում մեր Հայաստանը, նոր Հայաստանի մեջ իրենք էլ են մտնում»։
Մանրամասները՝ տեսանյութում:
