08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
Շանը մեքենայից կապված քարշ տալու դեպքի առթիվ քրեական վարույթ է նախաձեռնվել․ 1 անձ ձերբակալված է
Հասարակություն
15.07.2025 | 19:14
Քրեական վարույթ է նախաձեռնվել այսօր համացանցում տարածված տեսանյութի առնչությամբ, որում երևում է՝ ինչպես է մեքենան ընթանում՝ քարշ տալով հետևից կապված շանը։
Քննչական կոմիտեից Factor TV-ին հայտնում են, որ վարույթը նախաձեռնվել է Քրեական օրենսգրքի 307-րդ հոդվածի 1-ին մասի հատկանիշներով, այն է՝ կենդանու նկատմամբ դաժան վերաբերմունքը՝ կենդանու կյանքի ընդհատումը խեղդելու, կախելու, մասնատելու, թունավորելու կամ այնպիսի նյութ ներարկելու միջոցով, որը տառապանք պատճառելով է հանգեցնում մահվան, ողջ վիճակում կենդանու մաշկազերծումը, անդամահատումը, կենդանիների մարտի կազմակերպումը կամ իրականացումը կամ անտուն կենդանու այնպիսի հավաքը կամ բռնումը, որը հանգեցնում է կենդանու խեղմանը կամ կենդանու կյանքի ընդհատմանը, ինչպես նաև կենդանուն սահմանված կարգի խախտմամբ գիտահետազոտական, բժշկական կամ փորձարարական նպատակով օգտագործելը կամ այլ դաժան վերաբերմունքը՝ պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ առավելագույնը երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:
Կոմիտեից հայտնում են նաև, որ վարույթի շրջանակներում 1 անձ ձերբակալված է։
Factor TV-ին ավելի վաղ գրել էր, որ շան նկատմամբ ենթադրյալ դաժան վերաբերմունք ցուցաբերած 62-ամյա տղամարդը Վարդան Ղարսոյանն է, որն աշխատում է Բյուրեղավանի համայնքապետարանի կոմունալ բաժնում։
Արաքս Մամուլյան
