07.09.2026 | 23:10
Կաբարդինո-Բալկարիայում ձնահյուսի հետևանքով 11 լեռնագնաց է զոհվել
ՀՀ փոխվարչապետը շնորհակալություն է հայտնել Ֆրանսիային ՀՀ տարածքային ամբողջականության պաշտպանությանն ուղղված ջանքերի համար
Քաղաքականություն
14.07.2025 | 22:20
Փոխվարչապետ Տիգրան Խաչատրյանը մասնակցել է Ֆրանսիայի Հանրապետության Ազգային տոնի առթիվ Ֆրանսիայի դեսպանությունում կազմակերպված հանդիսավոր միջոցառմանը: Այս մասին տեղեկացնում են Կառավարության մամուլի ծառայությունից։
Փոխվարչապետը Հայաստանի Հանրապետության կառավարության անունից շնորհավորել է բարեկամ Ֆրանսիային և ֆրանսիացիներին Ազգային տոնի առթիվ՝ մաղթելով շարունակական առաջընթաց և բարգավաճում։
«Բարձր գնահատելով վերջին տարիներին Հայաստան-Ֆրանսիա բազմաոլորտ համագործակցության դինամիկան՝ փոխվարչապետ Խաչատրյանը նկատել է, որ համընդհանուր արժեքների վրա հիմնված երկկողմ հարաբերությունները լավագույնս դրսևորվում են ինչպես քաղաքական սերտ երկխոսության, տնտեսական, կրթամշակութային կապերի, ապակենտրոնացված և պաշտպանական համագործակցության, այնպես էլ հայ և ֆրանսիացի ժողովուրդների փոխադարձ հարգանքի և անկեղծ բարեկամության միջոցով:
Ամփոփելով ելույթը՝ փոխվարչապետը շնորհակալություն է հայտնել Ֆրանսիային Հայաստանին մշտապես ցուցաբերվող աջակցության, ինչպես նաև Հայաստանի տարածքային ամբողջականության պաշտպանությանն ու Հարավային Կովկասում արդար և հարատև խաղաղության հաստատմանն ուղղված ջանքերի համար՝ վերահաստատելով Հայաստանի Հանրապետության՝ Հայաստան-Ֆրանսիա համագործակցությունը ռազմավարական նշանակություն ունեցող բոլոր ոլորտներում խորացնելու հանձնառությունը»,- ասված է հաղորդագրությունում։
